Samadhan National Daily

      थापाकाे ट्विटर व्यंग्यः पशुपतिजी पनि हँसाउनु हुन्छ। गाईजात्रा सक्किएको त निक्कै भैसक्यो!!!

      काठमाडौं, ३ भाद्र:

      राप्रपाका अध्यक्ष कमल थापाले पार्टी फुटाएर राप्रपा प्रजातान्त्रिक गठन गरेका पशुपति शमशेर राणालाई ट्विटरमा व्यङ्ग गरेका छन्।

      राणाले पार्टी दर्ता माग गर्दै सर्वोच्च अदालतमा बिहिबार रिट दायर गरेका छन्। निर्वाचन आयोगसँग ४० प्रतिशत केन्द्रीय सदस्यको संख्या पुर्याउन समय माग गरिरहेका राणाले बिहिबार अदालतमा मुद्दा दायर गरेका छन्।

      उनले आफ्नो दल दर्ता गराइदिन निर्वाचन आयोगलाई आदेश गरिदिन रिटमा माग गरेका छन्। राणा अदालत गएको समाचारलाई सेयर गर्दै थापाले ट्विटमा व्यङ्ग गरेका हुन्।

      उनले लेखेका छन् – पशुपतिजी पनि हँसाउनु हुन्छ। गाईजात्रा सक्किएको त निक्कै भैसक्यो!!!

      पशुपती जी पनि हसॉउनु हुन्छ। ?गाईजात्रा सकिएको त निकै भैसक्यो!!!

      थापाले ट्विटमा ‘स्माइली’ समेत राखेका छन्। राप्रपा विभाजन गरेका राणालाई आयोगले आफ्नो पक्षमा ४० प्रतिशत केन्द्रीय सदस्य देखाउन भदौ ४ सम्मको समय दिएको छ।

      राप्रपाको केन्द्रीय समितिको बैठक भने हेटौँडामा जारी छ।


      प्रतिकृया दिनुहोस्