• Ad

Samadhan National Daily

  • Ad

खाद्यबाली विकास र अनुसन्धानमा लीबर्डकाे अहाेरात्र २५ वर्ष

७ वटा नयाँ जातका खाद्यबाली दर्ता

पोखरा र आसपासका अधिकांश किसानले जेठोबुढो जातको धान रोप्छन् ।

पोखराको खाद्य पहिचानको रुपमा स्थापित यही जेठोबुढो धानका रोगकीरा, परिवर्तित हावापानी, पोष्टिक तत्व र धेरै फल्ने गुण मिलाएर जब ‘पोखरेली जेठोबुढो’ नामको नयाँ प्रजातिको विकास भयो, त्यसपछि किसानले यही रोज्न थाले ।

पोखरामा मुख्य कार्यालय रहेको जैविक विविधता, अनुसन्धान तथा विकासका लागि स्थानीय पहल (लिबर्ड)का संस्थापकमध्येका एक वैज्ञानिक डा. भुवनरत्न स्थापितको नेतृत्वमा पोखरेली जेठोबुढो धानको विकास गरिएको थियो । नेपाल सरकार अन्तर्गत बिउविजन गुणस्तर नियन्त्रण केन्द्रमा सन् २००४ दर्ता गरिएको यो प्रजातिको धान अहिले पनि पोखराका किसानमाझ उत्तिकै लोकप्रिय छ ।

लिबर्डले नेपाल कृषि अनुसन्धान केन्द्र (नार्क) र बायोभर्सिटी इन्टरनेशलनसँगको सहकार्यमा पोखरेली जेठोबुढोको विकास गरेको थियो । लिबर्ड स्थापना भएदेखि हालसम्म पोखरेली जेठो बुढो जस्तै विभिन्न७ वटा जातका नयाँ खाद्यबालीको विकास गरेर दर्ता गराइसकेको छ । यस्तै, अहिले ८ वटा जात दर्ताको चरणमा छन् ।

नयाँ जातका बिउको विकास भएपछि विउ विजन गुणस्तर नियन्त्रण केन्द्रमा दर्ता गर्न कृषि मन्त्रालय अन्तर्गत ‘भेराइटी रिलिज एण्ड रजिस्टेसन कमिटी’ लाई अनुसन्धानको चरणदेखि नै जानकारी गराउनुपर्छ । लिबर्डका कार्यकारी निर्देशक डा. बलराम थापाका अनुसार शुरुदेखि नै कमिटीलाई जानकारी दिएर प्रगति विवरण दिनुपर्छ ।

कृषि विकास मन्त्रालय, नार्क, विभाग लगायत विज्ञहरु रहने समितिले स्थलगत अध्ययन, नयाँ जातका खाद्यवालीको गुण दोष, उत्पादन क्षमता लगायतको अनुसन्धान पश्चात मात्र दर्ताका लागि सिफारिस गर्छ । अहिले पनि लिबर्डले दर्जन बढी स्थानीय खाद्यवालीको अनुसन्धान र विकासमा लागेको डा. थापा बताउँछन् ।

लिबर्डले अहिले धानमा कालो नुनिया, तिली, कचरोवा ४, सिमीका विभिन्न प्रजातिहरु, लट्टे साग, कागुनो, चिनो, हरियो कँक्रो, कोदो लगायत स्थानीय प्रजातिका खाद्यबाली माथी अनुसन्धान गरिरहेको लिबर्डका प्रजनन् संयोजक राजीव ढकालले जानकारी दिए । यी अनुसन्धान पनि कृषि अनुसन्धान केन्द्र नार्क र कृषि मन्त्रालयसँगको सहकार्यमा अघि बढाएको उनले बताए ।

लिबर्डको २३ औँ वार्षिकोत्सव, साधारण सभा तथा संस्थागत सामाजिक परीक्षणमा शनिबार कार्यकारी निर्देशक डा. थापाले लिबर्डको आगामी ५ वर्षे रणनीति सार्वजनिक गरेका थिए । उनले सार्वजनिक गरेको ‘अनुसन्धान तथा विकास रणनीतिमा ग्रामीण भेगमा बसोबास गर्ने र खाद्यान्नको उच्च जोखिममा परेका समुदाय, जलवायु र प्राकृतिक प्रकोपको जोखिममा परेका समुदाय र सीमान्तकृत समुदायलाई लक्षित गर्ने उल्लेख छ ।

प्राकृतिक प्रकोपजन्य जोखिम कम गर्न, दिगो जीविकोपार्जनका लागि जैविक विविधता तथा वातावरण संरक्षणका लागि आगामी योजना रहेको डा. थापाले जानकारी दिए ।

सार्वजनिक परीक्षणमा लिबर्डले आगामी वर्ष बहुउदेश्यिय एकेडेमी सञ्चालनमा ल्याउने भएको छ । लिबर्डकै सहयोगमा स्थापना भएका २१ वटा बिउ बैंकमा किसानले ६२ बालीका १ हजार १७ स्थानीय जातको संरक्षण गरिएको छ भने ७ हजार ५२ घरधुरीलाई उन्नत तथा स्थानीय जातको बिउ उपलब्ध गराउँदै आएको जनाएको छ । गत वर्ष मात्र बिउ बैंक मार्फत किसानले १८७ टन बिउ उत्पादन गरेर बिक्री गरेका थिए ।

सामाजिक परीक्षण पश्चात लिबर्डका कार्यक्रम कार्यान्वयन निर्देशक भरत भण्डारीले जारी गरेको विज्ञप्तिमा विभिन्न जिल्लामा सौर्य ऊर्जामा आधारित सिँचाइ प्रणाली विस्तार गरेको छ । उक्त परियोजना मार्फत नवलपरासी, बर्दिया, दाङ र महोत्तरीमा १२ वटा सिँचाइ प्रणाली स्थापित छन् । जसबाट २६५ घरधुरी लाभान्वित छन् ।

सामाजिक परीक्षणमा लिबर्डका कार्यक्रम प्रमुख डा. रामबहादुर राना, सामाजिक परीक्षण सहजकर्ता राममणि अधिकारी लगायतले सहजीकरण गरेका थिए । सो अवसरमा महिला बालबालिका तथा समाजकल्याण मन्त्रालयका उपसचिव भरतराज शर्मा, वरिष्ठ कृषि विकास अधिकृत लोकेन्द्र बोहोरा, लिबर्डका बोर्ड सदस्य रामकली खड्का लगायतले मन्तव्य राखेका थिए । संस्थाका अध्यक्ष कृष्णप्रसाद बरालको अध्यक्षतामा भएको कार्यक्रममा बरिष्ठ बैज्ञानिक तथा लिबर्डका संस्थापक डा.

लिबर्डमा पुन बराल
जैविक विविधता, अनुसन्धान तथा विकासका लागि स्थानीय पहल लिबर्डको शनिबार भएको वार्षिक साधारण सभाले पुन कृष्णप्रसाद बरालको अध्यक्षतामा नयाँ कार्य समिति चयन गरेको छ । समितिको उपाध्यक्षमा दीपककुमार रिजाल, कोषाध्यक्षमा रामकली खड्का, सदस्यहरुमा बेनीबहादुर बस्नेत, विनोद भट्ट, मिता सैंजु प्रधान र निर्मला गुरुङ छन् ।


प्रतिकृया दिनुहोस्

नयाँ अपडेट

  • बेगनास तालमा अर्काे लापरबाही, २ घाइते

    बेगनासतालमा लापरबाहीका कारण जलकुम्भी झार फाल्ने मेसिन पल्टिँदा २ जना घाइते भएका छन् । अनावश्यक भीडभाडका कारण मेसिन पल्टिएको हाे । मेसिनमा सवार १० जनामध्ये ८ जना सामान्य छन् ।...

  • पोखरा उद्योग वाणिज्य संघको नेतृत्व दामु अधिकारीको काँधमा

    पोखरा उद्योग वाणिज्य संघको नेतृत्व दामु अधिकारीको काँधमा आएको छ । शनिबार अबेर सम्पन्न मतगणनाको परिणाम अनुसार अधिकारी ७ मतअन्तरले विजयी भएका हुन् । अधिकारीले १ हजार ४ सय ७८...

  • जथाभावी हैन, कानुन बनाएर मात्र कर लिन अर्थमन्त्रीकाे अाग्रह

     पोखरा उद्योग वाणिज्य संघको ३२ औं महाधिवेशन उद्घाटनपछि अर्थमन्त्री डा. युवराज खतिवडाले प्रदेश र स्थानीय तहका सरकारलाई कानुन बनाएर मात्र नागरिकलाई कर लगाउन आग्रह गरेका छन् । ‘संघले दिएको कानुनमा...

  • मानिसहरू अरिङ्गाललाई किन मन पराउँदैनन्?

    सर्वसाधारण मानिसहरूले मौरीलाई धेरै मन पराउने तर बारुला र अरिङ्गाललाई घृणा गर्ने गरेको एउटा अध्ययनले देखाएको छ। सो अध्ययनमा संलग्न अनुसन्धानकर्ताले बारुला र अरिङ्गालजस्ता कीरा पर्यावरणीय दृष्टिकोणले मौरीजत्तिकै महत्त्वपूर्ण हुने...

Ad
Ad
Ad