• Ad

Samadhan National Daily

  • Ad

आइन्स्टाइनको नोट झण्डै १६ लाख डलरमा बिक्री

लन्डन, ९ कार्तिक:

विख्यात वैज्ञानिक अल्बर्ट आइन्स्टाइनले खुशीपूर्ण जीवनयापनसम्बन्धी उनको सिद्धान्तबारे लेखेका लेखोट १५ लाख ६० हजार डलरमा बिक्री भएको छ।

जेरुसलेममा लिलाम बढाबढमा ती लेखोट बिक्री भएका हुन्।

नोबेल पुरस्कार विजेता भौतिकशास्त्री आइन्स्टाइनले सन् १९२२ मा एक जापानी पत्रवाहकलाई पैसाको साटो जर्मन भाषामा लेखिएका लेखोट दिएका थिए।

पत्र पुर्‍याउन आफ्नो कोठामा आइपुगेका पत्रवाहकलाई ‘टिप’ दिनका लागि पैसा नभएपछि आइन्स्टाइनले त्यस्तो लेखोट दिएको बताइन्छ।

मूल्यवान

त्यतिबेला उनले भौतिकशास्त्रतर्कफको नोबेल पुरस्कार पाएको भर्खरै सुनेका थिए र उनी जापानमा प्रवचन-यात्रामा थिए।

ती पत्रवाहकलाई खाली हात पठाउन नचाहेकोले आइन्स्टाइनले पत्रवाहकलाई ती लेखोट दिएको लिलाम बढाबढमा राखेका पत्रवाहकका नातेदारले बताए।

आइन्स्टाइनले पत्रवाहकलाई उनी भाग्यमानी भए आफूले दिएका लेखोट भविष्यमा मूल्यवान हुने बताएका थिए।

आइन्स्टाइनले आफ्नो सम्पूर्ण जीवन विज्ञानप्रति समर्पित गरेका थिए।

तर उनको हस्ताक्षरसहित एक वाक्यको लेखोटमा लेखिएको छ, “सफलताको खोजीमा लागिपर्दा र त्यसले निरन्तर उत्पन्न गराउने बेचैनीले भन्दा शान्त र साधारण जीवनले धेरै खुशी ल्याउँछ।”

पूर्वानुमान

त्यही बेला लेखिएको दोस्रो लेखोटमा भनिएको छ, “जहाँ इच्छा हुन्छ, त्यहाँ उपाय निस्कन्छ।”

दोस्रो लेखोट चाहिँ २ लाख ४० हजार डलरमा बिक्री भएको छ।

पत्र
तस्वीर कपीराइटGETTY IMAGES

दुवै लेखोटले पूर्वानुमान गरिएको भन्दा धेरै बढी मूल्य पाएको लिलाम बढाबढमा राख्नेले बताएका छन्।

दुईवटामध्ये एउटा लेखोटका एकजना युरोपेली खरिदकर्ताले आफ्नो नाम सार्वजनिक नगरिदिन लिलाम बढाबढमा राख्नेलाई आग्रह गरेको बताइएको छ।

ती लेखोट लिलाम बढाबढमा राख्ने मानिस पत्रवाहकका भतिजा भएको बताइएको छ।

आइन्स्टाइनका केही प्रसिद्ध भनाइहरुः

  • हामीले समस्या सिर्जना गर्ने बेलाकै जस्तो सोचले आफ्ना समस्या हल गर्न सक्दैनौँ।
  • बुद्धिमान हुनुको सही संकेत ज्ञान नभइ कल्पना हो।
  • प्रकृतिबारे हामीले एक प्रतिशतको हजार अंशमध्ये एक अंश पनि जान्न सकेका छैनौं।
  • जब तपाईँ एक असल महिलासँग समय बिताउनुहुन्छ एक घण्टा एक सेकेण्ड जस्तै लाग्छ। जब तपाईँ बलिरहेको कोइलामाथि बस्नुहुन्छ एक सेकेण्ड एक घण्टा जस्तो लाग्छ। यो सापेक्षता हो।

स्रोतः येल बूक अफ कोटेशन्स/ब्रेनी कोट


प्रतिकृया दिनुहोस्

नयाँ अपडेट

  • खर्कको अभावमा चौंरीपालन घट्दो

    मनाङमा पुख्र्यौली पेशाका रुपमा रहेको चौंरीपालन विस्तार हराउन थालेको छ । हिमाली भेगको पहिचान ठानेर यहाँका केही मानिसले जेनतेन यो पेशा अपनाइरहेका छन् । उच्च हिमाली भेगमा जडीबुटी चरेर बाँच्ने...

  • बेनी—जोमसोम सडकमा पर्यटकलाई सास्ती

    उत्तर दक्षिण व्यापारिक मार्ग विस्तारित आयोजना अन्तर्गत कालिगण्डकी करिडोरको बेनी—जोमसोम सडकखण्डमा नदी कटान र पहिरोले सडक अवरुद्ध भइरहँदा पर्यटकले सास्ती पाएका छन् । जोमसोमसम्मको ७८ किलोमिटर सडकको आधा दर्जनजसो स्थानमा...

  • पाराग्लाइडिङ गर्न १ हजार, भिडियो सुटिङमा ५ सय कर

    तनहुँको पर्यटकीय नगरी बन्दिपुरमा पाराग्लाइडिङको पनि कर तिर्नुपर्ने भएको छ । बन्दिपुर गाउँपालिकाले आ.व. ०७५/७६ को गाउँसभाबाट पारित गरेको आर्थिक ऐन अनुसार साहसिक खेल र सम्बन्धित व्यवसायमा कर लगाउने निर्णय...

  • भारतका पूर्व प्रधानमन्त्री वाजपेयीको निधन

    भारतका पूर्वप्रधानमन्त्री अटल बिहारी वाजपेयीको बिहीबार साँझ निधन भएको छ । उनी ९३ वर्षका थिए । अल भारतीय आयुर्विज्ञान संस्थान (एम्स) मा उनको लाइफ सपोर्ट सिस्टममा राखेर विषेश उपचार प्रयास...

Ad
Ad
Ad