Samadhan National Daily

      ओपन हाउसको शाखा लेकसाइडमा

      पोखरा, १९ माघ:

      पोखरा चिप्लेढुंगामा रहेको ओपन हाउसले लेकसाइडमा शाखा बिस्तार गरेको छ ।

      ३० वर्ष अगाडि स्थापना भएको गजल पारखीलाई लक्ष्यगरी अंग्रेजी नयाँ वर्षसँगै लेकसाइडको बाराही चोकमा शाखा बिस्तार गरी सेवा सञ्चालनमा ल्याइने भएको हो। आगामी फागुन१२ गते शाखाको ओपनिङगरिने बिहीबार आयोजित पत्रकार भेटघाटमा जानकारी दिइएको हो ।

      पप ब्यान्ड, ¥याप, ब्याटलको शहरका रुपमा चिनिने लेकसाइडमा गजल पारखीलाई थप सेवा प्रदान गर्ने ओपन हाउसले जनाएको छ । लेकसाइडको बाराही चोकमा ओपन हाउसको पहिलो शाखा सञ्चालनमा ल्याउने ओपन हाउसका सञ्चालक सुरेश गुरुङले जानकारी दिए ।

      लेकसाइड क्षेत्रमा रहेका जति पनि क्लब तथा बारमा गजल प्रेमीलाई स्थान नदिने भएकाले गजललाई मन पराउने व्यक्ति र समूहलाई लक्ष्यगरी ओपन हाउसले शाखा विस्तार गरेको लेकसाइड स्थित होटल स्नोल्यान्डका सञ्चालक गणेशबहादुर थापाले जानकारी दिए ।

      ओपन हाउसले ग्राहकको रोजाइ अनुसारका नेपाली र हिन्दी गजलमात्र प्रस्तुत गर्ने योजना रहेको सञ्चालक द्वय गुरुङ र थापाको भनाइ छ ।

      शाखामा ४ सय २० ग्राहकलाई एकसाथ सेवा दिन सकिने पत्रकार भेटघाटमा जानकारी दिएका छन् । २ करोडको लागतमा सञ्चालनमा ल्याइएको शाखा मार्फत ४० जनाले रोजगारी पाउने छन् ।

      रेस्टुरेन्टमा नेपाली परम्परागत खाना, इन्डियन, चाइनिज, इटालियन, र कन्टिनेन्टल परिकार प्राप्त हुने जानकारी दिइएको छ ।

      रेस्टुरेन्टमा विशेषगरी सीफूडलाई प्राथमिकता दिइने जनाइएको छ ।


      प्रतिकृया दिनुहोस्