• Ad

Samadhan National Daily

  • Ad

गर्भ रहेको थाहा पाएपछि प्रेमिकाको हत्या गरे ‘प्रदीप’ले

पर्वत, २२ माघ:

बागलुङकी एक युवतीको हत्या भएको पुष्टि भएको छ ।

वागलुङको जैमिनी नगरपालिका ८ की कमला शर्मालाई पर्वतको बिहादी गाउँपालिका २ बर्राचौरका विक्रम भनिने प्रदीप पराजुलीले हत्या गरेको प्रहरीको अनुसन्धानबाट खुल्न आएको हो ।

२२ वर्षीया शर्मा यही माघ ५ गतेदेखि वेपत्ता भएपछि परिवारले खोजी गरेका थिए । खोजतलासकै क्रममा माघ १७ गते उनको शव कालीगण्डकी नदी किनारमा फेला परेको थियो ।

विक्रम भनिने प्रदीप पराजुलीले शर्माको हत्या गरेको भनेर गाउँलेलाई भनेपछि प्रहरीले उनलाई पक्रेको थियो । उनको वयान र घटनाको मुचुल्काका आधारमा पक्राउ परेका व्याक्ति प्रदीपले नै कमलाको हत्या गरेको पुष्टि भएको जिल्ला प्रहरी कार्यालय पर्वतका प्रहरी नायब उपरीक्षक दिलीप घिमिरेले बताए ।

अदालतबाट म्याद थपेर घटनाको अनुसन्धान भइरहेको छ । युवतीको शव कालीगण्डकी गाउँपालिका ४ गुल्मीमा भेटिएकाले जिल्ला प्रहरी कार्यालय गुल्मीमा अनुसन्धानको लागि पठाइएको थियो ।

तर प्रारम्भिक अनुसन्धान पश्चात उक्त घटना पर्वत जिल्लामा घटेको हुनाले गुल्मी प्रहरीले सबै मिसिल जिल्ला प्रहरी कार्यालयमा पठाएको थियो । सबै मिसिलहरुको अनुसन्धान पश्चात हत्या नै भएको पुष्टि भएको हो ।

कमला र प्रदीपका बीचमा केही समयदेखि प्रेम सम्बन्ध थियो ।

माघ ५ गते कमलाले प्रदीपलाई भेटन बोलाएकी थिइन् । दुबैजना कालीगण्डकी तिरमा भेट्ने निधोमा पुगे ।

दुबैजनाका बीचमा सञ्चो बिसञ्चो सोधेपछि आफ्नो महिनावारी रोकिएकोे कमलाले प्रदीपलाई सुनाइन् । उनीहरुका बीचमा समय समयमा यौनसम्पर्कहुँदै आएको थियो । यौनसम्पर्क राखेको हुनाले कमलाको गर्भमा वच्चा रहेको कारण महिनावारी रोकिएको प्रदीपले अनुमान गरे ।

कमलाले गर्भपतन गराउने सल्लाह गर्न प्रदीपसँग भेटन बोलाएकी रहिछन् । गर्भपतन गराउँदा समाजमा सबै कुरा खुल्ने डरले कमलालाई प्रदीपले सलको पासो लगाएर बौरको फाँटमा मारेर नदी किनारमा फालेका थिए ।

उनले एक्लै कमलाको हत्या गरेको वयान दिएका छन् । हत्या गरेर उनले शव नदीमा बगाएका थिए ।

पछि खोजी गर्दै जाँदा शव हत्या गरेको केही तल नदी किनारमा फेला परेको थियो ।


प्रतिकृया दिनुहोस्

नयाँ अपडेट

  • अरिथाकाे ‘अ नेचुरल वुमेन’, एउटा यस्तो गीत, जसले सबैलाई हल्लाउँछ

    आफ्नो आवाज र गीतले देशलाई जोडेकी अरिथा फ््रयांकलिनको भौतिक बिलयले अमेरिकी मात्रै होइन विश्वभर रहेका संगीत प्रेमी शोकमा छन् । उनका बारेमा बोल्दा अमेरिकी टेलिभिजन सिएनएनका डन लेमोनको गला अवरुद्ध...

  • बीस लाख हजयात्री मक्कामा, हजयात्रा सुरु

    विश्वभरका बीसलाख भन्दा बढी मुस्लिमहरु हज गर्न पवित्र तीर्थस्थल साउदी अरबको मक्कामा भेला भएका छन् । विश्वमै सबैभन्दा ठूलो धार्मिक कार्यक्रमको रुपमा लिइने हजयात्रा आइतबारदेखि सुरु भएको हो । मुस्लिम...

  • शेयर बजारमा गिरावट

    शेयर बजारमा आज दोहोरो अङ्कले गिरावट भएको छ । नेपाल स्टक एक्सचेञ्जकाअनुसार नेप्से परिसूचक १४.०३ बिन्दुले ओरालो लागेर एक हजार १९६.२९ बिन्दुमा पुगेको छ । यस्तै ‘क’ वर्गका कम्पनीको शेयर...

  • प्रधानमन्त्रीको पाँच भाषामा पाँच ट्वीट

    प्रधानमन्त्री केपी शर्मा ओलीले मुलुकमा सुशासन र विकासको आधारशिला तयार भएको बताउनुभएको छ । प्रधानमन्त्री ओलीले वर्तमान सरकार गठन भएको ६ महिना पुगेका अवसरमा आज पाँच भाषामा ट्वीट गर्दै सुशासन...

Ad
Ad
Ad