• Ad

Samadhan National Daily

  • Ad

गलेश्वरमा नटराजको अनावरण

म्याग्दी, १ फाल्गुण:

शिवरात्री पर्वको अघिल्लो दिन सोमबार म्याग्दीको मूख्य धार्मिकस्थल गलेश्वरधाममा शिव भगवानको नृत्य अवतार नटराजको मूर्तिको अनावरण गरिएको छ ।

पोखरा महानगरपालिका बस्ने क्या. चन्द्रबहादुर र हेमबहादुर पुनका ४ भाइबहिनीले स्वर्गीय माता भद्रशिला पुनको स्मृर्तिमा गलेश्वर शिवालय क्षेत्र विकाससँगको समन्वयमा ३ लाख ७५ हजार रुपैयाँको लागतमा मूर्ति स्थापना गरेका हुन् ।

प्रदेशसभा सांसद विनोद केसीले मूर्तिको अनावरण गर्दै एक दशकको अवधीमा गलेश्वर क्षेत्र विकास कोषले भौतिक संरचनाको विकास र यसको प्रचारप्रसार गरी धार्मिक पर्यटक आकर्षित गर्न महत्वपूर्ण भूमिका निर्वाह गरेको बताए । ‘यहाँ अब निर्माण गर्ने अन्य भौतिक संरचना, संस्कृत विद्यालयको भवनका लागि समेत प्रदेश सरकार र केन्द्र सरकारको तर्फबाट सक्दो सहयोग हुनेछ’, उनले भने, ‘मुक्तिनाथको प्रवेशद्वारको रुपमा रहेको गलेश्वरको विकासका लागि स्थानीयबासी र सहयोगदाताहरुको भूमिकालाई कहिल्यै विर्सन सकिदैन ।’

क्षेत्र विकास कोषका अध्यक्ष रुद्रबहादुर केसीको अध्यक्षतामा भएको कार्यक्रममा जिल्ला समन्वय समितिका प्रमुख देवेन्द्र केसी, सहायक प्रमुख जिल्ला अधिकारी शोभाकर पोखरेल, नेपाली कांग्रेसका जिल्ला सचिब क्या. मीनबहादुर कार्की, बेनपा–९ का वडाध्यक्ष बेलबहादुर चोखाल लगायतले गलेश्वरसँग मुक्तिनाथ, कालिका भगवति, पञ्चकोट, गुप्तेश्वर जस्ता धार्मिकस्थललाई जोडेर धार्मिक पर्यटकीय हबकोरुपमा विकास गर्नुपर्नेमा जोड दिएका थिए ।


प्रतिकृया दिनुहोस्

नयाँ अपडेट

  • लघु उद्यमका गतिविधि अवलोकनमा स्विडेनका सांसद

    राष्ट्र संघीय विकास परियोजना युएनडिपीका लागि ठूलो मात्रामा अनुदान दिँदै आएको देश स्विडेनका सांसदले परियोजनाको सहायता भएका कार्यक्रमको स्थलगत अवलोकन गरेका छन् । ६ सदस्यीय सांसद टोलीले पोखरा पनि भ्रमण...

  • पोखरामा ‘सिरुमारानी’

    प्रदेश नं. ४ को पहिलो नाटकघर पोखरा थियटर बुधबारदेखि औपचारिक रुपमा सञ्चालनमा आएको छ । पोखरा ४ मा अवस्थित थिएटर तथा थिएटरद्वारा सञ्चालित गन्र्धव नाटकघरको नेपाल संगीत तथा नाट्य प्रज्ञा...

  • ‘साल्टरुट’ जोगाउन चासो

    उनताका नुनतेल लिन पैदल हिँडेर बुटवल जाने चलन थियो । ३ दशक अगाडिसम्म पैदल हिँड्नेको घुइँचो हुने गथ्र्यो । सिसाठाँटी बास बस्ने ठाउँ हो । फलेबास र कुस्मा नगरपालिकाको सिमाना...

  • माझीलाई फेरि नयाँ सालको आश्वासन

    बागलुङ जिल्लाका राजमार्ग विस्तारका क्रममा विस्थापित माझी परिवारलाई नयाँ वर्षमा नयाँ घर दिने तयारी गरिएको छ । पोखरा–बागलुङ राजमार्ग निर्माणका क्रममा २०४८ सालमा खनियाघाटबाट विस्थापित १४ माझी परिवारलाई यस वर्षको...

Ad
Ad
Ad