• Ad

Samadhan National Daily

  • Ad

तिक्लाङमा काठ चोर्ने फन्दामा

पाेखरा, १ फाल्गुण:

अवैध रुपमा काटेको काठ प्रयोग गरेको आरोपमा पोखरा ३३ तिक्लाङको बानिया फर्निचर उद्योगका सञ्चालक वीरेन्द्र बानियालाई प्रहरीले पक्रेको छ ।

इलाका प्रहरी कार्यालयका डाडाँकोनाक प्रहरी कार्यालयका प्रमुख डिएपी गोविन्द पुरीले सुराकीको आधारमा बानिया फर्निचर उद्योगमा छापा मार्दा अवैध काठ भेटिएको बताए । ३ सय ७५ पिस काठको टुक्रालाई प्रहरीले नियन्त्रणमा लिएको छ । साल र लप्सीका काठहरु प्रयोग गरेको भेटिएको पुरीले बताए । बानिया काठ लुकाएर राखेको ठाउँमा आइतबार प्रहरीले फर्निचरमा छापा मारेको थियो । उनले अरुले नदेख्ने गरेर फर्निचरमा भन्दा केही पर काठहरु राखेका थिए ।

केही काठहरु स्थानीयले फर्निचरको सामान बनाउन र केही काठहरु वीरेन्द्रले आफ्नो प्रयोगका लागि उद्योगमा राखेको भेटिएको जानकारी डिएसपी पुरीले दिए । उनले स्थानीयले आपूmखुसी काटेका काठहरु बानियालाई बेचेको बताए । वीरेन्द्रलाई सोधपुछका लागि इलाका प्रहरी कार्यालयमा राखिएको छ । पुरीका अनुसार बानियाले स्थानीय को को सँग कति काठ लिएका हुन् भन्ने खुल्न सकेको छैन । उनका अनुसार बानियाले कास्की धेरैजसो ठाउँबाट काठहरु ल्याउने गरेका छन् ।

प्रहरीले नियन्त्रणमा लिएको काठमा वन कार्यालयमा बुझाएको छ । कास्कीका जिल्ला वन अधिकृत केदार बरालले जफत काठ लगभग ५ सय ५० क्युफिट रहेको जानकारी दिए । वन ऐन बमोजिम बानियालाई कारबाही हुने उनले बताए । काठको जरिवाना ८ लाख ६ महिनादेखि २ वर्षसम्म कैद हुन सक्ने गरी जिल्ला वन कार्यालयको तर्फबाट मुद्दा चलाइने बरालले सुनाए । उनले २५ दिन म्याद रहेको र २५ दिनभित्र छाड्ने वा मुद्दा दर्ता गर्ने टुंगो लाग्ने बताए । तर वीरेन्द्र बानियाले भने आपूmले कर तिरेर काठ ल्याएको बताएका छन् ।


प्रतिकृया दिनुहोस्

नयाँ अपडेट

  • अरिथाकाे ‘अ नेचुरल वुमेन’, एउटा यस्तो गीत, जसले सबैलाई हल्लाउँछ

    आफ्नो आवाज र गीतले देशलाई जोडेकी अरिथा फ््रयांकलिनको भौतिक बिलयले अमेरिकी मात्रै होइन विश्वभर रहेका संगीत प्रेमी शोकमा छन् । उनका बारेमा बोल्दा अमेरिकी टेलिभिजन सिएनएनका डन लेमोनको गला अवरुद्ध...

  • बीस लाख हजयात्री मक्कामा, हजयात्रा सुरु

    विश्वभरका बीसलाख भन्दा बढी मुस्लिमहरु हज गर्न पवित्र तीर्थस्थल साउदी अरबको मक्कामा भेला भएका छन् । विश्वमै सबैभन्दा ठूलो धार्मिक कार्यक्रमको रुपमा लिइने हजयात्रा आइतबारदेखि सुरु भएको हो । मुस्लिम...

  • शेयर बजारमा गिरावट

    शेयर बजारमा आज दोहोरो अङ्कले गिरावट भएको छ । नेपाल स्टक एक्सचेञ्जकाअनुसार नेप्से परिसूचक १४.०३ बिन्दुले ओरालो लागेर एक हजार १९६.२९ बिन्दुमा पुगेको छ । यस्तै ‘क’ वर्गका कम्पनीको शेयर...

  • प्रधानमन्त्रीको पाँच भाषामा पाँच ट्वीट

    प्रधानमन्त्री केपी शर्मा ओलीले मुलुकमा सुशासन र विकासको आधारशिला तयार भएको बताउनुभएको छ । प्रधानमन्त्री ओलीले वर्तमान सरकार गठन भएको ६ महिना पुगेका अवसरमा आज पाँच भाषामा ट्वीट गर्दै सुशासन...

Ad
Ad
Ad