• Ad

Samadhan National Daily

  • Ad

ब्युटिफुल सुसाइड

‘आफ्नो मृत शरीरलाई कोही–कसैले पनि नदेखून्’ यही नै एभिलियन म्याकहेलको अन्तिम इच्छा थियो । इम्पाएर स्टेट भवनको ८६ औं तल्लामा रहेको दृश्यअवलोकन स्थानबाट हालफाल्नु अघि उनी चाहान्थिन् कि आफ्नो मृत्युपछि पनि आफ्नो परिवारले उनको शरीरलाई उनी जस्तो थिइन् त्यसरी नै सम्झिउँन् भन्ने ।

तर, उनको त्यो सपना पूरा हुन सकेन । उनको शरीर पार्क गरेको लिमोसाइन माथि खस्यो । घटनाको ४ मिनेटपछि फोटोग्राफीका विद्यार्थी रोबर्ट व्लसले त्यही बाटोमा हुँदै जाँदा उनको फोटो खिचें । फोटोमा एभिलियन एकदम शान्त देखिन्थिन्, हेर्दा उनी सुतिरहेको जस्तो । भाँचिएको, कुच्चिएको स्टिलमा उनको शरीर सुतेरहेको थियो । उनको घुडादेखि मुनिका भाग एकअर्कोमा खप्टिएका थिए, र उसको देव्रे हात छातीमाथि थियो जसले घाँटीमा रहेको मालालाई समाइरहेको थियो ।

उक्त तस्बिर १९४७ को मे १ मा लिइएको थियो जुन विख्यात भयो । टाइम म्यागजिनले यसलाई ‘सबैभन्दा सुन्दर आत्महत्या’ भनी लेखेको थियो । एन्डी वारहोलले आफ्नो म्यागेजिनमा उक्त फोटोलाई सुसाइड ‘फलन बडी’ भनी राखेका थिए ।

यद्यपि उनको मृत्यु चर्चित त भयो तर उनको बारेमा थोरैमा मात्र थाहा छ । क्यालिफोर्नियाको बर्केलीमा जन्मिएकी उनी हेलेन र भिसेन्ट म्याकहेलका ८ वटा दाजुबहिनी मध्येकी एक हुन् । १९३० तिर उनको परिवारको डिर्भोस भयो । फलतः भिसेन्टले आफ्नो सबै बच्चा लिएर न्युयोर्क बसाइँ स¥यो ।

विद्यार्थी जीवनमा एभिलिएन महिला आर्मी कोरमा थिइन् । केही समयपछि उनी जेफेरसन सहर मोन्टानामा सरुवा भइन् । पछि न्युयोर्कको बाल्ड्विनमा जीवनको अन्तिम दिनसम्म त्यही बसिन् । त्यहाँ उनी बहीखाल ‘लाइबेरियन’ को रुपमा काम गर्थिन् । त्यही उनले आफ्नो मंगेतर बेरी रोडेस्लाई भेटिन् ।

जहाँसम्म एभिलिएनको मृत्युको कुरा आउँछ त्यसको बारे थोरैमात्र जानकारी पाइन्छ । आत्महत्या गर्नु अघि एभिलिएनले रोडेस्लाई पेनस्लोभेनियामा भेटेकी थिइन् । रोडे्सको अनुसार उनी आउनुअघिसम्म सबै कुरा ठीक थियो ।

मृत्युको बिहान उनी एम्पाएर स्टेट भवनको दृश्यअवलोकन स्थानमा पुगिन् । आफ्नो कोट खोलेर नजिकको रेलिङमा राखिन्, नोट लेखिन्, जुन कोटको छेउमा भेटिएको थियो । त्यसपछि उनी हाम फालिन् । पुलिसका अुनसार सेक्युरिटी गार्ड एभिलिएनले हाम फाल्दा जम्मा १० फुट टाढा थिए । जासुसीका अनुसार, उक्त नोटमा उनले किन आत्महत्या गर्न चाहिन् भन्ने कुरा थिएन तर उनले आफ्नो शरीरलाई जलाइदिनु भनी अनुरोध गरेकी थिइन् ।

पत्रमा,
‘म मेरो परिवार भित्रको र बाहिरको कसैले पनि मेरो शरीरको कुनै पनि भाग नदेखून् भन्ने चाहान्छु । के तपाईं मेरो शरीरलाई दाहसंस्कार गरिदिनु हुन्छ ? म बिन्ती गर्छु तपाईं र मेरो परिवारलाई, कि मेरो लागि कुनै पनि सेवा वा सम्झना नराखी दिनु होला । मेरो मंगेतरले मलाई यही जुनमा बिहे गर्छु भनी प्रस्ताव राखेको थियो । मलाई लाग्दैन कि म कसैको लायक छु । उनी मबाहेक नै सुखी–खुसी रहन सक्छ । मेरो बुबालाई भनिदिनु कि, ममा मेरो आमाप्रति धेरै नै झकाव छ ।’
एभिलिएनकै इच्छाअनुसार उनको शरीरलाई दाहसंस्कार गरिएको थियो । उनको रीतिअनुसार अन्तिम संस्कार गरिएन । तर पनि उनको तस्बिर ७० वर्षसम्म जीवित नै छ ।


प्रतिकृया दिनुहोस्

नयाँ अपडेट

  • खर्कको अभावमा चौंरीपालन घट्दो

    मनाङमा पुख्र्यौली पेशाका रुपमा रहेको चौंरीपालन विस्तार हराउन थालेको छ । हिमाली भेगको पहिचान ठानेर यहाँका केही मानिसले जेनतेन यो पेशा अपनाइरहेका छन् । उच्च हिमाली भेगमा जडीबुटी चरेर बाँच्ने...

  • बेनी—जोमसोम सडकमा पर्यटकलाई सास्ती

    उत्तर दक्षिण व्यापारिक मार्ग विस्तारित आयोजना अन्तर्गत कालिगण्डकी करिडोरको बेनी—जोमसोम सडकखण्डमा नदी कटान र पहिरोले सडक अवरुद्ध भइरहँदा पर्यटकले सास्ती पाएका छन् । जोमसोमसम्मको ७८ किलोमिटर सडकको आधा दर्जनजसो स्थानमा...

  • पाराग्लाइडिङ गर्न १ हजार, भिडियो सुटिङमा ५ सय कर

    तनहुँको पर्यटकीय नगरी बन्दिपुरमा पाराग्लाइडिङको पनि कर तिर्नुपर्ने भएको छ । बन्दिपुर गाउँपालिकाले आ.व. ०७५/७६ को गाउँसभाबाट पारित गरेको आर्थिक ऐन अनुसार साहसिक खेल र सम्बन्धित व्यवसायमा कर लगाउने निर्णय...

  • भारतका पूर्व प्रधानमन्त्री वाजपेयीको निधन

    भारतका पूर्वप्रधानमन्त्री अटल बिहारी वाजपेयीको बिहीबार साँझ निधन भएको छ । उनी ९३ वर्षका थिए । अल भारतीय आयुर्विज्ञान संस्थान (एम्स) मा उनको लाइफ सपोर्ट सिस्टममा राखेर विषेश उपचार प्रयास...

Ad
Ad
Ad