• Ad

Samadhan National Daily

  • Ad

पाेखरा इञ्जिनियरिङमा छैटाै‌ं पेक प्रदर्शनी सुरु

पोखरा, २४ फाल्गुण:

इञ्जिनियरिङका विद्यार्थीहरुको प्रयोगात्मक अभ्यासलाई जोड दिन पोखरा इञ्जिनियरिङ कलेज फिर्केले आयोजना गरेको छैटौं पेक इञ्जिनियरिङ एक्स्पो २०१८ बिहीबार सुरु भएको छ ।

पोखरा महानगरका मेयर मानबहादुर जिसीले प्रर्दशनीको उद्घाटन गर्दै पोखरालाई प्रविधीमैत्री शहर बनाउन विज्ञान र प्रविधि क्षेत्रका कलेजहरुसँग सहकार्य गर्ने बताए । महानगरले नीतिगत निर्णय गरेर विज्ञहरुको सहयोग लिने उनले उल्लेख गरे । ‘सूचना र प्रविधिलाई आत्मसाथ नगरेसम्म समृद्धि हासिल गर्न सकिन्न,’ उनले भने, ‘महानगरलाई चुस्त दुरुस्त बनाउने प्रविधि क्षेत्रको सहयोग आवश्यक छ ।’

मेयर जिसीले विद्यार्थीहरुले प्रर्दशन गरेका सामग्रीको स्थायीत्व र बजारीकरणको लागि स्थायी खालको प्रर्दशनी केन्द्रको आवश्यकता रहेको बताए । उनले पोखरामा सडकको भन्दा पनि नाली व्यवस्थापनको समस्या रहेको उल्लेख गरे ।

पोखरा विश्वविद्यालय विज्ञान तथा प्रविधि संकायका डीन वुद्धिराज जोशीले सबै प्राविधिक क्याम्पसको समन्वय र सहकार्यमा पोखरालाई स्मार्ट सिटी बनाउन सकिने बताए । त्यसको लागि महानगरसंग छलफल भइरहेको जानकारी दिए । इञ्जिनियरिङ अध्ययन संस्थान पश्चिमाञ्चल क्याम्पसका प्रमुख रामप्रसाद पौडेलले इञ्जिनियरहरुले महानगरलाई प्राविधिक रुपमा सहयोग गर्ने बताए । उनले नेपालमा प्रयोगात्मक पक्ष कमजोर भएको उल्लेख गरे ।

सिँचाई डिभिजन कार्यलयका इञ्जिनियर तुलसी भट्टराई, कलेजका संस्थापक प्रिन्सिपल लेखबहादुर गुरुङ, कलेजका रिसर्च एन्ड डेभलपमेन्ट चिफ इञ्जिनियर सरोज गिरी, विद्यार्थीहरु प्रतिमा गुरागाईं, स्मृति बराल, विनायक पौडेलले बोलेका थिए ।


प्रतिकृया दिनुहोस्

नयाँ अपडेट

  • गर्मीमा शीतलता दिने ६ फलफूल

    खरबुजा गर्मीमा सबैभन्दा बढी खाइने र धेरैलाई मनपर्ने फलफूलमध्ये एक हो खरबुजा । धेरैलाई लाग्छ यसमा पाइने भनेको चिनीको मात्रा र पानी मात्र हो । तर, यो धेरै खनिज पदार्थ,...

  • म्याग्दीका ९ माध्मिक विद्यालयमा कम्पूटर पढाई सुरु

    म्याग्दीको रघुगंगा गाउँपालिका सम्पूर्ण माध्यामिक तहका सरकारी विद्यालयमा कम्प्युटर पढाइ सुरु गरिएको छ । गाउँपालिकाले यो शैक्षिक सत्र देखि नै सबै मावि तहका विद्यालयमा कम्प्युटर ल्याब स्थापनासँगै कम्प्युटर शिक्षा सम्बन्धी...

  • सार्वजनिक स्थलमा धुम्रपान गर्नेलाई कारवाही

    सार्वजनिक स्थलमा चुरोटको सेवन गर्नेलाई ३५ जनालाई जिल्ला प्रहरी कार्यालय कास्कीले शनिबार कारवाही गरेको छ । प्रहरीले बिरौटा क्षेत्रमा २७, गगनगौंडा र रामबजार क्षेत्रमा ४/४ जनालाई कारवाही गरेको हो ।...

  • एन्फा उपाध्यक्ष थापालाई सहारा एकेडेमीमा स्वागत

    अखिल नेपाल फुटबल संघ एन्फाका केन्द्रीय उपाध्यक्ष कृष्ण थापाले दोबिल्लास्थित सहारा एकेडेमीको शुक्रबार अध्ययन, अवलोकन गरेका छन् । सहारा क्लबका सल्लाहकार समेत रहेका उपाध्यक्ष थापाले क्लबले गरेको कार्यको प्रसंशा गर्दै...

Ad
Ad
Ad