• Ad

Samadhan National Daily

  • Ad

संसार हल्लाउने रुसको मिसाइल

काठमाडौं, २७ फाल्गुण:

स्टार वार्स जस्ता साइन्स फिक्सन र हतियारबाट दुनियाँलाई नस्ट गरेको फिल्म त देख्नु भएको होला । तर रुसी राष्ट्रपति भ्लादिमिर पुटिनले त्यस्ता हतियारहरुको वास्तविकता प्रस्तुत गरे । भिडियोमार्फत् संसदमा देखाइएका ति हतियार अझै रुससँग छन् र प्रभावकारी काम गर्छन् । रुसको संसदमा आफ्नो वार्षिक सम्बोधनको क्रममा पुटिनले केवल देशको वर्तमान अवस्था, चुनौती र विदेश नीतिको मात्र कुरा गरेनन् बरु शक्तिशाली हतियारहरु पनि प्रदर्शन गरे ।

सरमट
एक द्वीपबाट अर्को द्वीपमा प्रहार गर्न सकिने यो शक्तिशाली मिसाइल हो । यसलाई ‘साटन २’ नामले पनि चिनिन्छ । पुटिनले भनेका छन् कि यस नयाँ प्रणालीको परीक्षण एक नयाँ प्रक्रियामा प्रवेश गरिसकेको छ ।
बिबिसीका अन्तर्राष्ट्रिय मामिलाका संवाददाता रिचर्ड गलपिनका अनुसार सरमटलाई सोभियत युगको वोयवोडा मिसाइलको सट्टामा प्रस्तुत गरिएको छ । यो अत्यधिक शक्तिशाली छ । यो कम सयममा प्रहार गर्न सक्षम छ । जसलाई मिसाइल रक्षा प्रणालीमार्फत् रोक्न निकै कठिन हुन्छ । रिचर्ड भन्छन्, यो प्रविधिलाई हेर्दा भविष्यमा पनि रोक्न मुस्किल हुनेछ ।

क्रुज मिसाइल
यसको नाम अझै राखिएको छैन । तर यसले असीमित दुरीसम्म मार हान्न सक्छ । राष्ट्रपति पुटिनका अनुसार यो एक नयाँ किसिमको रणनीतिक मिसाइल हो जसलाई ब्यालेस्टिक मिसाइलले जसरी प्रहार गर्न सक्दैन । यही कारण हो यसलाई मिसाइल रक्षा प्रणालीबाट रोक्न मुस्किल हुने ।

पानी मुनिबाट स्वतः प्रहार गर्न सक्ने
यसको नाम पनि अझंैसम्म रुसले तय गरेको गरेको छैन । समुद्र मुनिबाट निशाना लगाउन सकिन्छ । यो मिसाइल मानवरहित हो । पुटिन भन्छन्, ‘रुसले पानी मुनिबाट प्रहार गर्न सक्ने मिसाइल बनाइसकेको छ । यो मानवरहित मिसाइल हो ।’
उनी थप्छन्, ‘यो पनडुब्बीभन्दा पनि अधिक तेज र शक्तिशाली छ ।’

किन्झल
राष्ट्रपति पुटिनले रुसको हाइपरसोनिक हतियारलाई किन्झल नाम दिएका छन् । उनका अनुसार यो हावामा प्रहार गर्न सकिन्छ । यसले सटिक निशाना साध्न सक्छ । यसको गति पनि अत्यधिक छ । त्यसैले यसलाई रोक्न मुश्किल छ ।
पुटिनले यसलाई २ हजार किलोमिटरभन्दा टाढाको दुरीसम्म निशाना साँध्न सक्षम रहेको बताएका छन् ।

एवन गार्ड
राष्ट्रपति भ्लादिमिर पुटिनका अनुसार यो एक नयाँ प्रकारको हतियार हो । उनकै शब्दमा यसको परीक्षण सफल भइसकेको छ । यसको गति २५ हजार किलोमिटर प्रतिघन्टाको छ । जसले एक द्वीपबाट अर्को द्वीपसम्म सजिलै मार हान्न सक्छ ।
पुटिनको अनुसार यसले कयौं हजार किलोमिटरसम्म सीधा र तेर्सो मार हान्न सक्छ । यो आफ्नो लक्ष्यसम्म आगोको गोलाजसरी पुग्छ । यसको सतहको तापक्रम १६ सयदेखि २ हजार डिग्री सेल्सियससम्म हुन्छ ।

लेजर हतियार
यसको नाम पनि अझै तय गरिएको छैन । पुटिनका अनुसार उनको देशले लेजर हतियारहरु निर्माणका लागि उल्लेखनीय कदम पनि चालेको छ ।
उनले भने, ‘यो केवल कागजमा सीमित छैन, न त यो प्रयोगमा आएको छ । हामीले गत वर्ष नै लेजर हतियार सेनालाई सुम्पिइसकेका छौं । यद्यपि पुटिनले यसको कुनै प्रमाण पेस गरेनन् । नत उनले नाम भने । उनले भने, ‘यसको जानकारी दिने बेला अझै भएको छैन ।’ लेजर हतियारले रुसको शक्तिलाई कयौं गुणा बढाएको पुटिनले बताएका छन् ।
(बिबिसीको सहयोगबाट)


प्रतिकृया दिनुहोस्

नयाँ अपडेट

  • गर्मीमा शीतलता दिने ६ फलफूल

    खरबुजा गर्मीमा सबैभन्दा बढी खाइने र धेरैलाई मनपर्ने फलफूलमध्ये एक हो खरबुजा । धेरैलाई लाग्छ यसमा पाइने भनेको चिनीको मात्रा र पानी मात्र हो । तर, यो धेरै खनिज पदार्थ,...

  • म्याग्दीका ९ माध्मिक विद्यालयमा कम्पूटर पढाई सुरु

    म्याग्दीको रघुगंगा गाउँपालिका सम्पूर्ण माध्यामिक तहका सरकारी विद्यालयमा कम्प्युटर पढाइ सुरु गरिएको छ । गाउँपालिकाले यो शैक्षिक सत्र देखि नै सबै मावि तहका विद्यालयमा कम्प्युटर ल्याब स्थापनासँगै कम्प्युटर शिक्षा सम्बन्धी...

  • सार्वजनिक स्थलमा धुम्रपान गर्नेलाई कारवाही

    सार्वजनिक स्थलमा चुरोटको सेवन गर्नेलाई ३५ जनालाई जिल्ला प्रहरी कार्यालय कास्कीले शनिबार कारवाही गरेको छ । प्रहरीले बिरौटा क्षेत्रमा २७, गगनगौंडा र रामबजार क्षेत्रमा ४/४ जनालाई कारवाही गरेको हो ।...

  • एन्फा उपाध्यक्ष थापालाई सहारा एकेडेमीमा स्वागत

    अखिल नेपाल फुटबल संघ एन्फाका केन्द्रीय उपाध्यक्ष कृष्ण थापाले दोबिल्लास्थित सहारा एकेडेमीको शुक्रबार अध्ययन, अवलोकन गरेका छन् । सहारा क्लबका सल्लाहकार समेत रहेका उपाध्यक्ष थापाले क्लबले गरेको कार्यको प्रसंशा गर्दै...

Ad
Ad
Ad