Samadhan National Daily

      भरतपोखरीमा क्यान्सर सचेतना

      कास्की, २० चैत्र:

      नेपाल अर्बुदरोग निवारण संस्थाको आयोजनामा भरतपोखरीस्थित व्रह्माज्योति आधारभूत विद्यालयमा मुटु, श्वासप्रश्वास, क्यान्सर रोगका कारण, अवस्था र निवारण विषयक सचेतना कार्यक्रम भएको छ ।

      कार्यक्रममा ९५ जना भन्दा बढीकोसहभागिता थियो । सोही अवसरमा व्रह्माज्योति आधारभूत विद्यालयमा अध्ययनरत ३५ जना बालबालिकाकालाई पोसाकसमेत वितरण गरिएको छ । चन्द्रवदन टे«ड कन्र्सनका सञ्चालक दीपेन्द्र आचार्य र सम्झना आचार्यले पोसाक सहयोग गरेका हुन् ।

      संस्था कास्की शाखाका सभापति रामचन्द्र थापाको अध्यक्षतामा भएको कार्यक्रममा वडा नम्बर– ३३ का वडाध्यक्ष शिवप्रसाद आचार्य, संस्थाका सदस्य शान्त श्रेष्ठ लगायतले बोलेका थिए ।

      प्रमुख प्रशिक्षकसंस्थाका सचिव नारायण पराजुलीले मुटु, श्वासप्रश्वास, क्यान्सर रोगको अवस्था र निवारण विषयमा प्रशिक्षण दिए । प्रशिक्षकले वातावरण प्रदूषण, प्लास्टिक र यसले वातावरणमा पार्ने नकारात्मक प्रभाव, सूर्तिजन्य पदार्थ, विषादी प्रयोग गरेका खाद्य पदार्थ र यसले पार्ने प्रभावका वारेमा जानकारी गराएका थिए ।

      कार्यक्रममा नेपाल अर्वुदरोग निवारण संस्थाका केन्द्रीय सदस्य दिनेशशंकर पालिखे, विद्यालय प्रअ यज्ञप्रसाद आचार्य लगायतले क्यान्सर रोग, रोकथाम र यसका विषयमा भनाइ राखेका थिए ।

      कार्यक्रम उद्घाटनका अवसरमानेपाल अर्वुद रोग निवारण संस्थाका निवर्तमान सभापति रामप्रसाद बस्ताकोटी, प्रथम उपाध्यक्ष प्रेम भुजेल, कोषाध्यक्ष तीर्थ बस्नेत, सहसचिव कृष्ण मानन्धर, सदस्य डिल्लीप्रसाद शर्मा लगायतले आफ्ना भनाइ राखेका थिए ।


      प्रतिकृया दिनुहोस्