Samadhan National Daily

      गाेरखा र कास्कीका नेत्रहीन विद्यार्थीलाई सहयोग

      पाेखरा, १० बैशाख:

      नेपाली नेत्रहीन विद्यार्थी फाउन्डेसन (एफएनबिएस) को पोखरामा तेस्रो साधारण सम्पन्न भएको छ ।

      गोरखा र कास्कीमा गरी ५ वटा नेत्रहीन शाखाका करिव १ सय जना नेत्रहीन विद्यार्थीको हकहितमा कार्यक्रम गर्दै आएको संस्थाले विद्यार्थीलाईआफ्नो खुट्टामा उभिन सक्ने बनाउने लक्ष्य रहेको संस्थाका प्रोग्राम कोअर्डिनेटर तथा सदस्य सचिव शिवलाल धितालले जानकारी दिए ।

      धितालले गण्डकी आवासीय माविमा २९ वर्षको सेवापछि सहयोगी संस्था स्थापना गर्न आफू अभिप्रेरित भएको उल्लेख गरे । उनले आवश्यकता अनुसार नेत्रहीन विद्यार्थीलाई छात्रवृत्ति प्रदान गर्ने, उपचार हुन सक्ने नेत्रहीन विद्यार्थीको आँखाको उपचार गराउने, विश्वमा हालै अविस्कार हुँदै गएका नेत्रहीन विद्यार्थीको पढाइलाई अर्थपूर्ण र प्रभावकारी बनाउन उपयोगी इलेक्ट्रोनिक्स डिभाइस उपलब्ध गराउने संस्थाको योजना रहेको सुनाए ।

      नेत्रहीन विद्यार्थीलाई उपयुक्त हुने व्यवसायिक तालिम उपलव्ध गराउने लक्ष्य संस्थाले लिएको उद्घाटनका अवसरमा बताइएको छ ।

      नेत्रहीन शाखा रहेका पोखरा र गोरखाका विद्यालयमा कार्यरत शिक्षकलाई शिक्षण ओरिन्टेसन कार्यक्रम सञ्चालन गर्दै आएको संस्थाले जानकारी दिएको छ ।


      प्रतिकृया दिनुहोस्