• Ad

Samadhan National Daily

  • Ad

नेपाल आइडल सिजन २ को अडिसन पोखरामा शुरु

पाेखरा, १४ बैशाख:

रियालिटी सो ‘नेपाल आइडल सिजन–२’ को अडिसन शुक्रबार पोखरामा हुँदैछ । पहिलो चरणको अडिसन जनप्रिय उच्च मावि सिमलचौरमा हुने आयोजकले जनाए ।

अडिसन बिहान ८ देखि साँझ ४ बजेसम्म हुनेछ । प्रथम चरणको अडिसनमा चुनिएका प्रतियोगीले दोस्रो चरणका लागि शनिबार माउन्ट कैलाश रिसोर्टमा अडिसन दिनेछन् ।

अडिसनमा भाग लिन रजिस्ट्रेसन फर्म अडिसन हुने स्थानमा निशुल्क वा अन्नपूर्ण दैनिकमा छापिएको फर्ममा भर्न सकिने आयोजकले जनाएको छ । प्रतियोगीले नेपालभित्र बोलिने जुनसुकै भाषाको गीत गाउन पाउनेछन् । तर निर्णायकको आवश्यकता अनुरुप नेपाली भाषा मै पनि गाउनुपर्नेछ ।

अडिसनमा स्वर परीक्षण मात्रै गरिने भएकाले कुनै ट्र्याक वा म्युजिक नचाहिने तर सजिलोका लागि प्रतियोगीले वाद्यवादनका सामग्री भने लैजान सक्नेछन् । १६ देखि ३० वर्षबीचका जो कोहीले प्रतियोगितामा भाग लिन पाउने तर कुनै पनि म्युजिक कम्पनीसँग अनुबन्धित नहुनुपर्नेछ ।

यसपटकको सिजनमा गोल्डेन माइक सिस्टम थप गरिएको आइडलका प्रोजेक्ट हेड तथा निर्देशक सुरेश पौडेलले जानकारी दिए । उनका अनुसार राम्रो प्रस्तुति दिने प्रतियोगी सिधै गोल्डेन राउन्डमा प्रवेश पाउनेछन् ।

आइडलको पहिलो सिजनमा देश बाहिर फाइनल गर्दा विवाद आएकाले यसपटक नेपालभित्रै फाइनल गर्ने आयोजकले जनाएको छ । सो साउन १ देखि एपीवन टेलिभिजनमा प्रसारण हुनेछ ।


प्रतिकृया दिनुहोस्

नयाँ अपडेट

  • गर्मीमा शीतलता दिने ६ फलफूल

    खरबुजा गर्मीमा सबैभन्दा बढी खाइने र धेरैलाई मनपर्ने फलफूलमध्ये एक हो खरबुजा । धेरैलाई लाग्छ यसमा पाइने भनेको चिनीको मात्रा र पानी मात्र हो । तर, यो धेरै खनिज पदार्थ,...

  • म्याग्दीका ९ माध्मिक विद्यालयमा कम्पूटर पढाई सुरु

    म्याग्दीको रघुगंगा गाउँपालिका सम्पूर्ण माध्यामिक तहका सरकारी विद्यालयमा कम्प्युटर पढाइ सुरु गरिएको छ । गाउँपालिकाले यो शैक्षिक सत्र देखि नै सबै मावि तहका विद्यालयमा कम्प्युटर ल्याब स्थापनासँगै कम्प्युटर शिक्षा सम्बन्धी...

  • सार्वजनिक स्थलमा धुम्रपान गर्नेलाई कारवाही

    सार्वजनिक स्थलमा चुरोटको सेवन गर्नेलाई ३५ जनालाई जिल्ला प्रहरी कार्यालय कास्कीले शनिबार कारवाही गरेको छ । प्रहरीले बिरौटा क्षेत्रमा २७, गगनगौंडा र रामबजार क्षेत्रमा ४/४ जनालाई कारवाही गरेको हो ।...

  • एन्फा उपाध्यक्ष थापालाई सहारा एकेडेमीमा स्वागत

    अखिल नेपाल फुटबल संघ एन्फाका केन्द्रीय उपाध्यक्ष कृष्ण थापाले दोबिल्लास्थित सहारा एकेडेमीको शुक्रबार अध्ययन, अवलोकन गरेका छन् । सहारा क्लबका सल्लाहकार समेत रहेका उपाध्यक्ष थापाले क्लबले गरेको कार्यको प्रसंशा गर्दै...

Ad
Ad
Ad