• Ad

Samadhan National Daily

  • Ad

वृद्धवृद्धालाई ५ वटा हात्तीले ‘ठाेक्ने’ एमालेकाे तयारी

कास्की, १४ बैशाख:

दक्षिण एसियाकै पहिलो कम्युनिस्ट प्रधानमन्त्री एवं नेकपा एमालेका पहिलो अध्यक्ष मनमोहन अधिकारीको १९ औं स्मृति दिवस अवसरमा लाचोकमा ज्येष्ठ नागरिकलाई सम्मान गरिएको छ।

युवा संघ नेपाल लाचोकको आयोजनामा माछापुच्छ्रे गाउँपालिका–४ लाचोकका ज्येष्ठ नागरिकलाई सम्मान गरिएको हो। कार्यक्रममा ७५ वर्ष नाघेका ज्येष्ठ नागरिकलाई सम्मान गरिएको हो।

कार्यक्रममा प्रतिनिधि सभामा नेकपा एमालेका प्रमुख सचेतक तथा पूर्व स्वास्थ्य तथा जनसंख्या मन्त्री खगराज अधिकारी, नेकपा एमाले कास्कीका सचिव दामोदर बैरागी, सचिवालय सदस्य नारायण बास्तोला, माछापुच्छ्रे गाउँपालिकाका अध्यक्ष कर्ण गुरुङले ज्येष्ठ नागरिकलाई दोसल्ला ओढाई सम्मान गरेका थिए।

कार्यक्रममा बोल्दै सांसद खगराज अधिकारीले ५ वर्षभित्र वृद्धभत्ता ५ हजार पुर्‍याएरै छाड्ने बताएका छन्।‘मनमोहन अधिकारीकै पालमा वृद्धभत्ताको सुरुवात गरेर वृद्धवृद्धालाई सम्मान गर्ने काम एमालेले गरेको हो,’ उनले भने, ‘६० वर्ष काटेकालाई गोली ठोकेर मार्छ भन्ने भ्रम फिजाएका थिए। पहिला हरिया नोटले ठोक्यौं । अहिले २ वटा हात्तीले ठोक्यौं । अब ५ वर्षमा ५ वटा हात्तीले ठोक्छौं।’

जनतालाई शासन गर्न नभई सेवा गर्न आफूहरु आएको बताउँदै उनले विकास निर्माणमा सबैले साथ दिन आग्रह गरे। कार्यक्रममा अधिकारीलाई वाने टाकुरा ज्येष्ठ नागरिक बहुउद्देश्य भवनको डिपिआर हस्तान्तरण गरिएको थियो। कार्यक्रममा माछापुच्छ्रे गाउँपालिकाका अध्यक्ष कर्ण गुरुङ र निर्माण समितिका संयोजक पानबहादुर जिसीले अधिकारीलाई सम्बन्धित निकायमा पुर्‍याएर आर्थिक सहयोगको लागि पहल गरिदिन आग्रह गरे ।

उनीहरुले अधिकारीलाई डिपिआर हस्तान्तरण गरे । अधिकारीले वाने टाकुरा ज्येष्ठ नागरिक बहुउद्देश्यीय भवन निर्माणका लागि आफ्नो तर्फबाट पहल गर्ने प्रतिबद्धता जनाएका थिए। कार्यक्रममा लोकदोहोरी गायक जीवन दहालले गीत प्रस्तुत गरेका थिए।

ज्येष्ठ नागरिक सम्मान कार्यक्रमका संयोजक आनन्द अधिकारीको अध्यक्षतामा भएको कार्यक्रममा युवा संघ नेपाल कास्कीका सहसचिव पानबहादुर जिसीले स्वागत र सम्मान कार्यक्रमका सचिव राजेन्द्र गौतमले कार्यक्रम सञ्चालन गरेका थिए।
………….
८१ वर्षीय बलबहादुर शाहीलाई सम्मान गर्दै नेकपा एमालेका प्रमुख सचेतक खगराज अधिकारी र युवासंघ नेपाल कास्कीका सहसचिव पानबहादुर जिसी। तस्बिर समाधान


प्रतिकृया दिनुहोस्

नयाँ अपडेट

  • गर्मीमा शीतलता दिने ६ फलफूल

    खरबुजा गर्मीमा सबैभन्दा बढी खाइने र धेरैलाई मनपर्ने फलफूलमध्ये एक हो खरबुजा । धेरैलाई लाग्छ यसमा पाइने भनेको चिनीको मात्रा र पानी मात्र हो । तर, यो धेरै खनिज पदार्थ,...

  • म्याग्दीका ९ माध्मिक विद्यालयमा कम्पूटर पढाई सुरु

    म्याग्दीको रघुगंगा गाउँपालिका सम्पूर्ण माध्यामिक तहका सरकारी विद्यालयमा कम्प्युटर पढाइ सुरु गरिएको छ । गाउँपालिकाले यो शैक्षिक सत्र देखि नै सबै मावि तहका विद्यालयमा कम्प्युटर ल्याब स्थापनासँगै कम्प्युटर शिक्षा सम्बन्धी...

  • सार्वजनिक स्थलमा धुम्रपान गर्नेलाई कारवाही

    सार्वजनिक स्थलमा चुरोटको सेवन गर्नेलाई ३५ जनालाई जिल्ला प्रहरी कार्यालय कास्कीले शनिबार कारवाही गरेको छ । प्रहरीले बिरौटा क्षेत्रमा २७, गगनगौंडा र रामबजार क्षेत्रमा ४/४ जनालाई कारवाही गरेको हो ।...

  • एन्फा उपाध्यक्ष थापालाई सहारा एकेडेमीमा स्वागत

    अखिल नेपाल फुटबल संघ एन्फाका केन्द्रीय उपाध्यक्ष कृष्ण थापाले दोबिल्लास्थित सहारा एकेडेमीको शुक्रबार अध्ययन, अवलोकन गरेका छन् । सहारा क्लबका सल्लाहकार समेत रहेका उपाध्यक्ष थापाले क्लबले गरेको कार्यको प्रसंशा गर्दै...

Ad
Ad
Ad