Samadhan National Daily

      घाचोक महायज्ञमा करोड कट्यो

      , १८ बैशाख:

      शुक्ला गण्डकी माविमा जारी महायज्ञमा सोमबार मात्रै नगद तथा भूमीदानगरी ७७ लाख ७ हजार १ सय ८० रुपैयाँ संकलन भएको छ ।
      प्राविधिक शिक्षालयको पूर्वाधार निर्माणको लागि वैशाख ११ देखि सञ्चालनमा रहेको महायज्ञ मंगलबार सकिदै छ ।

      यज्ञमा ५५ लाख १३ हजार १ सय ३६ रुपैयाँ नगद संकलन भएको छ भने २१ लाख ९४ हजार ४४ रुपैयाँ वरावरको भूमीदान प्राप्त भएको छ ।
      महायज्ञमा हालसम्म १ करोड ३१ लाख ९४ हजार ९४ रुपैयाँ नगद तथा २१ लाख ९४ हजार ४४ रुपैयाँ वरावरको भूमीदान भएको मूल आयोजक समितिका कोषाध्यक्ष अर्जुनप्रसाद पोखरेलले जानकारी दिए ।

      गाउँपालिकाको केन्द्रमा रहेको विद्यालयमाा कक्षा ९ देखि १२ सम्म प्राविधिक विषयमा कक्षा सञ्चालन गर्ने योजना आयोजकको छ ।
      घाचोकका पूर्णकली, लक्षिमा तथा गौरी पोखरेलको परिवारबाट भूमी तथा नगदगरी १३ लाख ६८ हजार ३ सय ३३ रुपैयाँ दानप्राप्त भएको छ ।

      स्थानीय रेवतीरमण पोखरेलले ५ लाख वरावरको भूमी तथा ५१ हजार ५ रुपैयाँ नगद दान गरे । त्यस्तै घाचोककै इन्द्रबहादुर गुरुङले पनि यसअघि दिएको दान रकममा २ लाख ६६ हजार ५ सय थप गरेर ४ लाख ६६ हजार ६ सय ११ पुर्याए ।  महादेव तथा सीता पोखरेलको परिवारबाट ४ लाख १ सय ११ को भूमी तथा नगद दानप्राप्त भएको छ ।

      यज्ञमा यदुनाथ पोखरेलको परिवारबाट ३ लाख १ हजार १ सय ५१, लक्ष्मीरमण पोखरेलबाट २ लाख ५५ हजार ५ सय ५५, माछापुच्छ«े १ पाटनथरका ओम गुरुङबाट १ लाख ७८ हाजर २ सय ५, संरक्षण क्षेत्र वन व्यवस्थापन समिति ३, ४, ५ र ६ बाट १ लाख ५० हजार, स्थानेश्वर लम्सालबाट १ लाख २३ हजार ४ सय ५६, परमानन्द लम्साल, चन्द्रावती लम्साल तथा चक्रपाणि लम्सालको परिवारबाट जनही १ लाख ११ हजार १ सय ११, पूर्णबहादुर गुरुङबाट १ लाख ५ हजार १ सय १५, पोखरा वगर निवासी ठाकुरशोभा/महेन्द्र गुरुङबाट १ लाख १ हजार १ सय ११ तथा माछापुच्छर्रे १ का लालकाजी गुरुङले १ लाख १ हजार यज्ञमा दान गरेका छन् ।

      सोमबार युवा तथा खेलकुद मन्त्री जगतबहादुर विक तथा प्रदेश सांसद रामजीप्रसाद बरालले यज्ञमा सहभागिता जनाउँदै प्राविधिक शिक्षामा आफ्नो जोड रहने बताए । देशमा प्राविधिक शिक्षा आवश्यकता भएको र विद्यालयले थालेको अभियानमा हरेको सहयोग रहने प्रतिवद्धता जनाएका थिए ।


      प्रतिकृया दिनुहोस्