Samadhan National Daily

      शारीरिक अपांगलाई ह्वील चियर

      , १८ बैशाख:

      स्वावलम्बन जीवन पद्वती केन्द्र नेपाल पोखराले सोमबार ५ शारीरिक अपांगलाई ह्वील चियर वितरण गरेको छ । जापानको निसासाईको सहयोगमा केन्द्रले ह्वील चियर वितरण गरेको हो ।

      कार्यक्रममा पोखरा महानगरका मेयर मानबहादुर जिसीले चियर वितरण गर्दै अपांगमैत्री नीति निर्माणमा ध्यान दिने बताए ।

      ‘सरकारी सरंचनालाई अपांगमैत्री बनाउन ध्यान दिइने छ,’मेयर जिसीले भने, ‘राजनीतिक दलका नेता तथा जनप्रतिनिधिले व्यक्तिगत रुपमा घर बनाउदासमेत ध्यान दिए अपांगमैत्री भौतिक संरचना निर्माणको अभियानलाई सहयोग पुग्छ ।’

      उनले अपांगको सवाललाई प्राथमिकतामा राख्ने बताए । महानगरमा अपांगको लगत संकलन गर्न सघाउन अनुरोध गर्दै उनले परिवारका सदस्यलाई रोजगारीको व्यवस्था गर्न सके अपांगलाई रेख देखमा सहयोग पुग्ने धारणा राखे ।

      महानगर वडा नम्बर १५का अध्यक्ष प्रकाश पौडेल, स्वावलम्बन जीवन पद्वती केन्द्र नेपालका अध्यक्ष हेमबहादुर गुरुङ, कोषाध्यक्ष अन्जना केसी,निवर्तमान अध्यक्ष हितमान छन्त्याल, सदस्य सुरेश गौली, निसासाई जापानका प्रतिनिधि ओसाका तथा डाइची, शारीरिक अपांग कृष्ण सुवेदी, रमेश कार्की, संगिता अधिकारी लगायतले बोलेका थिए ।


      प्रतिकृया दिनुहोस्