Samadhan National Daily

      मर्दीमा हराएका डच नागिरक कोर्री अझै भेटिएनन्

      काठमाडौं, १९ बैशाख:

      गत फागुन८ देखि मर्दी आधार शिविर ४ हजार ५ सय मिटरआसपासबाट हराएका डच नागरिक ४९ वर्षीय कोर्री भन् भेग्गेललाई खोज्न विभिन्न टोलीपरिचालन गरिएको छ । उनलाई खोज्न नेपाल प्रहरीले पनि विभिन्न टोली खटाएको छ ।

      कोर्रीलाई खोज्न पर्यटन प्रहरी महिनौं अघिदेखि विभिन्न टोलीमा खटिएको छ ।जिल्ला प्रहरी कार्यालय कास्कीको तर्फबाट पनि १ हप्ताअघि देखि टोली खटिएको छ । जिल्ला प्रहरी कार्यालय कास्कीको टोली मंगलबार फर्किएको छ ।

      पछिल्लो समयमा कोर्रीलाई खोज्नका लागि कुकुर परिचालन गरिएको छ । जिल्ला प्रहरी कार्यालय कास्कीका प्रमुख अशोक सिंहका अनुसार जाडोमा पनि बाच्न सक्ने तालिम प्राप्त कुकुरलाई लिएर विशेष टोलीले खोजी गरिरहेको छ । कुकुरसहितको टोली खटिएपछि कोर्रीछिट्टै भेटिने अपेक्षा प्रमुख सिंहले गरे ।

      कोर्रीलाई भेटनेलाई पुरस्कार स्वरुप ५० हजार रुपैयाँ दिने घोषणा गरिएको छ । मर्दी हिमाल पदमार्गका सबैजसो होटलमा कोर्री हराएको सूचना पनि टासिएको छ । पदयात्राको बाटो सजिलो नभएको कारण खोजी कार्यमा खटिएका टोलीलाई काम गर्न गाह्रो भएको छ । उक्त स्थान वरिपरि फोनसमेत लाग्दैन ।

      पोखराबाट खटिएको टोलीमाथिल्लो भागमा खोजीका लागि जाँदा टोलीका सदस्यहरु नै बिरामी भएको प्रहरी स्रोतले जनाएको छ । स्रोतका अनुसार २ जना बिरामी भएका थिए ।


      प्रतिकृया दिनुहोस्