• Ad

Samadhan National Daily

  • Ad

स्थानीय तहका जनप्रतिनिधिले भने,‘सांसदलाई विकास बजेट नदेऊ’

, २० बैशाख:

स्थानीय तहका जनप्रतिनिधिले सांसदलाई निर्वाचन क्षेत्रमा खर्च गर्न दिइने विकास बजेट बन्द गर्न माग गरेका छन् । निर्वाचन क्षेत्र विकास तथा पूर्वाधार कार्यक्रमका नाममा प्रतिनिधि सभाका सांसदले खल्तीबाट योजना बाड्दा नीतिगत भ्रष्टाचार बढेको उनीहरूको दावी छ ।

पोखरा महानगरपालिकाका मेयर मानबहादुर जिसीले निर्वाचन क्षेत्र पूर्वाधार कार्यक्रमका नाममा फेरि स्थानीय तहको अधिकार खोस्न लागिएको जिकिर गरे ।

अख्तियार दुरुपयोग अनुसन्धान आयोग र संघीय मामला तथा सामान्य प्रशासन मन्त्रालयले बुधबार स्थानीय तहका प्रमुख, उपप्रमुख तथा प्रमुख प्रशासकीय अधिकृतका लागि आयोजना गरेको भ्रष्टाचार नियन्त्रण र सुशासन प्रर्वद्धनमा स्थानीय तहको भूमिका विषयक कार्यक्रममा मेयर जिसीले सांसदहरु नीति नियम बनाउन गएको तर्क गरे ।

‘प्रतिनिधि सभाका सांसदहरुले खल्तीबाट पैसा लिएर बाँड्ने काम संघीयताको मर्म विपरीत छ,’ मेयर जिसीले थपे, ‘संसदलाई विकास बजेट दिने कार्यका बिरुद्धमा स्थानीय तह एकजुट भएर जानु पर्छ ।’ मेयर जिसीले नगरपालिका संघ र गाउँपालिका महासंघले त्यसबारे बोल्नुपर्ने प्रस्ताव गरे ।

स्थानीय तहलाई अधिकार धेरै भयो भनी (संघमा) लैजाने कोशिस भएको उल्लेख गर्दै जिसीले माथिदेखि तलसम्म स्थानीय सरकारलाई असफल बनाउने खेल भएको आरोप लगाए ।

भ्रष्टाचार गर्न सिकाउने काम माथिबाट भएको दावी गर्दै मेयर जिसीले मुहानलाई नरोकेसम्म तल सफा नहुने तर्क गरे । उनले प्रतिनिधि सभाको सिको गर्दै प्रदेशका सांसदले समेत विकास बजेट माग्न लागेकाले अख्तियारको ध्यानाकर्षण हुनुपर्ने बताए ।

तनहुँको व्यास नगरपालिकाका मेयर बैकुण्ठ न्यौपानेले संसदको विकास बजेट बन्द गर्नका लागि प्रस्ताव पारित गर्नुपर्ने विचार राखे । उनले जनप्रतिनिधिको भेलाले पारित गर्ने घोषणापत्रमा उक्त सवाललाई समेट्न माग गरे ।

अख्तियार दुररुपयोग अनुसन्धान आयोगका कार्यवाहक प्रमुख आयुक्त नवीनकुमार घिमिरेले निर्वाचन क्षेत्र पूर्वाधार तथा विकास कार्यक्रमलाई सांसदहरूले मन्त्री परिषदको बैठकबाट नीतिगत निर्णयको रुपमा घुसाउन प्रयास गरेको खुलासा गरे ।

सांसदहरुले आफ्नो निर्वाचन क्षेत्रमा लैजाने बजेटलाई रोक्न अख्तियारले मन्त्री परिषदको ध्यानाकर्षण गराएको जानकारी दिँदै उनले मन्त्री परिषदको नीतिगत निर्णय गराएर लैजाने खेल भएको संकेत गरे ।

‘मन्त्री परिषदले गर्ने नीतिगत निर्णय अख्तियारको कार्य क्षेत्रभित्र पर्दैन,’ कार्यवहाक प्रमुख आयुक्त घिमिरेले भने, ‘अख्तियारले सार्वजनिक गर्ने वार्षिक प्रतिवेदनमा मन्त्री परिषद्को नीतिगत निर्णयलाई परिभाषित गर्न माग गरेको छ ।’ उनले सार्वजनिक खरिद ऐन मन्त्री परिषदको नीतिगत निर्णयमा नपर्ने तर्क गरे ।

कार्यवाहक प्रमुख आयुक्त घिमिरेले स्थानीय तहले गरेका विकास, निर्माणका कामलाई अख्तियारले सजगता र सतर्कतापूर्वक हेरेको बताए । संक्रमणकालको व्यवस्थापन, विधि र प्रक्रिया स्थापना गर्ने क्रममा भ्रष्टाचारबाट उन्मुक्ति पाइन्छ भन्ने मान्यता नराख्न सुझाव दिँदै उनले स्थानीय तहको स्रोत र साधनको उपयोग अख्तियारसँग जोडिने उल्लेख गरे ।

‘अख्तियारले बल्छी थापेर बसेको छ,’ उनले भने, ‘नियतले नभई विधि र प्रवृतिले नभई पद्धतिले काम गर्नुस् ।’

अख्तियार दुरुपयोग अनुसन्धान आयोगका आयुक्त डा गणेशराज जोशीको अध्यक्षतामा भएको कार्यक्रममा संघीय मामला तथा सामान्य प्रशासन मन्त्रालयका सचिव दिनेशकुमार थपलिया, अख्तियार दुरुपयोग अनुसन्धान आयोगका सचिव महेश्वर न्यौपाने र सहसचिव कालीप्रसाद पराजुलीले कार्यपत्र पेश गरेका थिए ।


प्रतिकृया दिनुहोस्

नयाँ अपडेट

  • गर्मीमा शीतलता दिने ६ फलफूल

    खरबुजा गर्मीमा सबैभन्दा बढी खाइने र धेरैलाई मनपर्ने फलफूलमध्ये एक हो खरबुजा । धेरैलाई लाग्छ यसमा पाइने भनेको चिनीको मात्रा र पानी मात्र हो । तर, यो धेरै खनिज पदार्थ,...

  • म्याग्दीका ९ माध्मिक विद्यालयमा कम्पूटर पढाई सुरु

    म्याग्दीको रघुगंगा गाउँपालिका सम्पूर्ण माध्यामिक तहका सरकारी विद्यालयमा कम्प्युटर पढाइ सुरु गरिएको छ । गाउँपालिकाले यो शैक्षिक सत्र देखि नै सबै मावि तहका विद्यालयमा कम्प्युटर ल्याब स्थापनासँगै कम्प्युटर शिक्षा सम्बन्धी...

  • सार्वजनिक स्थलमा धुम्रपान गर्नेलाई कारवाही

    सार्वजनिक स्थलमा चुरोटको सेवन गर्नेलाई ३५ जनालाई जिल्ला प्रहरी कार्यालय कास्कीले शनिबार कारवाही गरेको छ । प्रहरीले बिरौटा क्षेत्रमा २७, गगनगौंडा र रामबजार क्षेत्रमा ४/४ जनालाई कारवाही गरेको हो ।...

  • एन्फा उपाध्यक्ष थापालाई सहारा एकेडेमीमा स्वागत

    अखिल नेपाल फुटबल संघ एन्फाका केन्द्रीय उपाध्यक्ष कृष्ण थापाले दोबिल्लास्थित सहारा एकेडेमीको शुक्रबार अध्ययन, अवलोकन गरेका छन् । सहारा क्लबका सल्लाहकार समेत रहेका उपाध्यक्ष थापाले क्लबले गरेको कार्यको प्रसंशा गर्दै...

Ad
Ad
Ad