Samadhan National Daily

      क्यान्सर सचेतना छलफल

      पाेखरा, २३ बैशाख:

      ७६ जनाबढी स्थानीय सहभागिता रहेको सचेतना छलफलमा अर्बुदरोग निवारण संस्था कास्की शाखाका सभापति रामचन्द्र थापा, पोखरा–१८ का वडा सदस्य हरि लम्साल, भोजकुमारी थापा, रोटरी क्लब अफ अन्नपूर्णका पूर्व ७५ क्यान्सर रोगको अवस्था र निवारण विषयक क्यान्सर सचेतना भएको छ ।

      नेपाल अर्बुदरोग निवारण संस्था, रोटरी क्लब अफ अन्नपूर्ण र आरसीसी अन्नपूर्ण सराङकोटको आयोजनामा पोखरा–१८, स्थित सराङकोट लामागाउँमा भएको हो ।

      अध्यक्ष डिल्लीप्रसाद शर्मा, संंस्थाका सचिव नारायण पराजुली, प्रथम उपाध्यक्ष प्रेम भुजेल लगायतले बोलेका थिए । सचेतनामा वृत्तचित्र र कार्टुनका माध्यमबाट क्यान्सर रोगको कारण, अवस्था र निवारण गर्ने जानकारीमूलक प्रस्तुति थियो ।

      वातावरण प्रदूर्षण, प्लास्टिक र यसको प्रयोग, वातावरणमा पार्ने प्रभाव, सूर्तिजन्य तथा मादक पदार्थ सेवन, विषादी र विषादी प्रयोग गरेका खाद्य पदार्थ र मानव स्वास्थ्यमा पार्ने प्रभावका बारेमा जानकारी दिइएको थियो ।

      छलफलमा चिनी, मैदा, मसलायुक्त खानेकुरा, पोलेको मासु तथा परिकार, सूर्तिजन्य तथा मादक पदार्थको सेवन, विषादी प्रयोग गरिएका खाद्य पदार्थका कारण क्यान्सर रोग लाग्ने हुँदा प्रयोगमा सचेत भई नियमित स्वास्थ्य परीक्षण र दैनिक व्यायममा जोड दिइएको थियो ।

      आरसीसी अन्नपूर्ण सराङकोटका उपाध्यक्ष दीनेश श्रेष्ठ, रोटरी क्लब अफ अन्नपूर्णका अध्यक्ष बाबुराम बराल, आरसीसी अन्नपूर्ण सराङकोटका अध्यक्ष दिलु गुरुङ, रोटरी क्लब अफ अन्नपूर्णका पूर्वअध्यक्ष कृष्णमान गुभाजू, जनपुकार मुनाकर्मी र नेपाल अर्बुद रोग निवारण संस्थाका निवर्तमान सभापति रामप्रसाद वस्ताकोटी, उपाध्यक्ष विश्वमोहन अधिकारी, सहकोषाध्यक्ष सुवर्ण कोइराला, सदस्य मुना वास्तोलाले क्यान्सर हुनबाट बच्न व्यक्ति मात्र सक्षम नभै सिंगो समाजले रोकथाममा ध्यान दिनुपर्नेमा जोड दिएका थिए ।


      प्रतिकृया दिनुहोस्