Samadhan National Daily

      केयूकाे अनलाइन मास्टर डिग्री पर्वतमा

      पर्वत, ३० बैशाख:

      जिल्लाको आर्दश माध्यामिक विद्यालय र भवानी विद्यापीठ माविमा अनलाइन मास्टर डिग्रीसेन्टर स्थापना हुने भएको छ । काठमाडौं युनिर्भसिटीको अनलाइन मास्र्टर डिग्री कार्यक्रममा विद्यालयबाट फर्मभर्ने सुविधा प्राप्त गर्न सकिने छ ।

      काठमाडौं विश्व विद्यालय स्कुल अफ एजुकेसन संकाय अन्तर्गत लिडरसिप म्यानेजमेन्ट र म्याथमेटिक्स इन एजुकेसन आगामी शैक्षिक सत्रबाट सञ्चालन गर्नेगरी सम्झौता भएकोे छ ।

      काठमाडौं विश्व विद्यालयको आयोजना तथा भवानी विद्यापीठर आर्दश माविको संयोजनमा पर्वत र बागलुङ जिल्लाका विभिन्न विद्यालयका शिक्षक तथा प्रअको सहभागीतामा मास्टर डिग्री सञ्चालन गर्ने भएको हो ।

      विद्यालयको गुणस्तर वृद्धिमा प्रअको भूमिका कस्तो हुनुपर्ने विषयमा प्रोफेसर डाक्टर वासुप्रसाद सुवेदी र डाक्टर धनपति सुवेदीले प्रशिक्षण दिएका थिए । प्रअ र समुदायससँग हातेमालो गर्दै समायानुकुल शिक्षा प्रदान गर्नेतर्फ अग्रसर बन्नु पर्ने प्रशिक्षणमा बताएका थिए ।

      भवानी विद्यापीठ विद्यालयका पूर्व अध्यक्ष भोलनाथ शर्माले शैक्षिक सुधारको लागि काठमाडाैं विश्वविद्यालयको सिँगो टिमनै आएर महत्वपूर्ण प्रशिक्षण दिएकोमा खुसी व्यक्त गरे ।

      आर्दश मावि कुश्माकाका प्रिन्सिपल हिमबहादुर पौडेललेशिक्षाद्वारा समाज विकास र समाज परिवर्तमा टेवा पुग्ने बताए । तालिममा कुश्मा र बाग्लुङका ३५ जना प्रअ र शिक्षक गरी ४७ जनाको सहभागिता थियो ।


      प्रतिकृया दिनुहोस्