• Ad

Samadhan National Daily

  • Ad

शताब्दी पुरुष सत्यमाेहन सय वर्षमा

काठमाडौं, ३० बैशाख:

शताब्दीपुरुष संस्कृतिविद् सत्यमोहन जोशीले आईतबार आफ्नो ९९ औ जन्मोत्सव मनाउँदै सय वर्षमा प्रवेश गरेका छन्।

९९ औं जन्मोत्सवका अवसरमा शुभकामना दिन आईतबार लतिलपुरको पाटनस्थित जोशी निवासमा उल्लेख्य संख्यामा सर्वसाधरण , शुभचिन्तक , इष्टमित्रहरु पुगेका थिए । जोशी निवासमा बिहानै देखि शुभकामना दिनेहरुको भीड लागेको छ।

परराष्ट्रमन्त्री प्रदिप ज्ञवालीले पनि उहाँको निवास पुगी जन्मदिनको शुभकामना दिए। उनले जोशीलाई दोसल्ला ओढाई सम्मानका साथ उपहार पनि दिए।

९५ वर्षकै उमेरमा सरकारले उनलाई शताब्दी पुरुषको सम्मान प्रदान गरेको थियो । ९९ औं जन्मदिवस मनाईरहदा आफूले अहिलेसम्म कुनै पनि औषधी प्रयोग गर्नु नपरेको भन्दै जोशीले खुसी व्यक्त गरे।

बाबु शंकरराज जोशी र आमा राजकुमारीका सुपुत्रका रुपमा वि.स. १९७७ बैशाखमा ललिपुरको बखुम्बहालमा जन्मेका सत्यमोहन जोशी संकृतिविद् र साहित्यकारका रुपमा चिनिन्छन्। उनले त्रिचन्द्र कलेजबाट स्नातक तह अध्ययन गरेका थिए। उनी २०१५ सालमा पुरातत्व र संस्कृति विभागका पहिलो निर्देशक बनेका थिए।

तीन पटक सम्म मदन पुरस्कार पाएका जोशीका प्रबन्ध तथा अनुसन्धानात्मक कृति नेपालीमा १०, नाटक ५ , काव्य २ र कथासंग्रह ५ तथा नेवारी भाषाका करिव ५० कृति प्रकाशित छन् ।

हाम्रो लोकसंस्कृति नामक ग्रन्थ लेखेर २०१३ सालमा उनी मदन पुरस्कारबाट पुरस्कृत भएका थिए। त्यसैगरी पाँचौं शताब्दीदेखि बिसौ शताब्दीसम्मको मुद्राको विस्तृत विवरण सहितको नेपाली राष्ट्रिय मुद्रा नामक कृतिका लागि उनलाई २०१६ सालमा दोस्रो पटक पनि मदन पुरस्कार दिईएको थियो । कर्णाली लोकसंस्कृति नामक ग्रन्थमा भने उहाँलाई संयुक्त रुपमा मदन पुरस्कार प्रदान गरिएको थियो ।

नेपाली भाषा, कला, संस्कृतिको संरक्षण, सम्बद्र्धन र विकासमा पुर्याएको योगदानको कदर स्वरुप उनले सुप्रबल गोर्खा दक्षिणबाहु, विख्यात त्रिशक्तिपट्ट र आदिकवि भानुभक्त पुरस्कार प्राप्त गरेका थिए।

उनलाई काठमाडौं विश्वविद्यालयले मानार्थ विद्यावारिधीको पदक दिएको छ । नेपाल सरकारले पनि उनलाई उज्जवल कीर्तिमान राष्ट्रद्धीपले सम्मानित गरेको छ । उनी २०६९ सालमा पद्मश्री साधना सम्मानबाट पनि सम्मानित भए।


प्रतिकृया दिनुहोस्

नयाँ अपडेट

  • खर्कको अभावमा चौंरीपालन घट्दो

    मनाङमा पुख्र्यौली पेशाका रुपमा रहेको चौंरीपालन विस्तार हराउन थालेको छ । हिमाली भेगको पहिचान ठानेर यहाँका केही मानिसले जेनतेन यो पेशा अपनाइरहेका छन् । उच्च हिमाली भेगमा जडीबुटी चरेर बाँच्ने...

  • बेनी—जोमसोम सडकमा पर्यटकलाई सास्ती

    उत्तर दक्षिण व्यापारिक मार्ग विस्तारित आयोजना अन्तर्गत कालिगण्डकी करिडोरको बेनी—जोमसोम सडकखण्डमा नदी कटान र पहिरोले सडक अवरुद्ध भइरहँदा पर्यटकले सास्ती पाएका छन् । जोमसोमसम्मको ७८ किलोमिटर सडकको आधा दर्जनजसो स्थानमा...

  • पाराग्लाइडिङ गर्न १ हजार, भिडियो सुटिङमा ५ सय कर

    तनहुँको पर्यटकीय नगरी बन्दिपुरमा पाराग्लाइडिङको पनि कर तिर्नुपर्ने भएको छ । बन्दिपुर गाउँपालिकाले आ.व. ०७५/७६ को गाउँसभाबाट पारित गरेको आर्थिक ऐन अनुसार साहसिक खेल र सम्बन्धित व्यवसायमा कर लगाउने निर्णय...

  • भारतका पूर्व प्रधानमन्त्री वाजपेयीको निधन

    भारतका पूर्वप्रधानमन्त्री अटल बिहारी वाजपेयीको बिहीबार साँझ निधन भएको छ । उनी ९३ वर्षका थिए । अल भारतीय आयुर्विज्ञान संस्थान (एम्स) मा उनको लाइफ सपोर्ट सिस्टममा राखेर विषेश उपचार प्रयास...

Ad
Ad
Ad