• Ad

Samadhan National Daily

  • Ad

क्षेत्रीय बक्सिङ र टेबुल टेनिस सुरु

पाेखरा, २८ आषाढ:

पोखरा रंगशालामा क्षेत्रीय बक्सिङ र टेबल टेनिस प्रतियोगिता सुरु भएको छ । सम्पन्न टेबुल टेनिस प्रतियोगितामा महिला सिंगल्सतर्फ रुपन्देहीकी स्विकृति श्रेष्ठ र अमृता थापा फाइनलमा प्रवेश गरेका छन् । खेलमा स्विकृतिले कास्कीकी कल्पना थापालाई ११–६, ११–२ र ११–४ को सोझो सेटमा पराजित गरिन् । त्यसैगरी रुपन्देहीकी अमृताले कास्कीकी शान्ति थापालाई ११–६, ११–२ र ११–५ को सोझो सेटमा नै पराजित गर्दै फाइनल प्रवेश गरेका हुन् ।

पुरुष सिंगल्स सेमिफाइनलमा रुपन्देहीका गोविन्द कौशलले बागलुङका सुमेष लामालाई ११–९, १२–१०, ६–११ र ११–७ को सेटमा पराजित गरे भने रुपन्देहीकै कपिल थापाले कास्कीका रुप गुरुङलाई ११–८, ११–८ र १२–१० को सोझो सेटमा पाखा लगाउँदै फाइनलमा स्थान पक्का बनाए ।

टेबल टेनिसको महिला डबल्सको सेमिफाइनलमा स्याङजाकी शेवा श्रेष्ठ र मुना थापाको जोडीले कास्कीकी शान्ति थापा र कल्पना थापाको जोडीलाई ६–११, ११–४, १३–११, ५–११ र १५–१३ को सेटमा पराजित गरे । अर्को खेलमा रुपन्देहीकी स्विकृति श्रेष्ठ र अमृता थापाको जोडीले नवलपरासीकी प्रमिशा न्यौपाने र प्रतिमा खरेललाई ११–९, ११–४ र ११–३ को सोझो सेटमा पराजित गर्दै फाइनल प्रवेश गरे ।

पुरुष डबल्सतर्फ कास्कीका रुप गुरुङ र सुमेष लामाको जोडीले स्याङजाका दीपकराज गिरी र नवीन गुरुङको जोडीलाई ११–९, ११–६, ८–११, ११–१३ र ११–४ को सेटमा पाखा लगाए । रुपन्देहीका गोविन्द कौशल र कपिल थापाको जोडीलाई ११–१, ११–७ र ११–३ को सोझो सेटमा पाखा लगाउँदै फाइनल प्रवेश गरे ।

पुरुष बक्सिङतर्फ ६९ केजीमा कास्कीका सविन गुरुङले स्वर्ण पदक जितेका छन् । बागलुङका रोशन लामाले वाक ओभर दिएपछि उनले उक्त तौल समूहमा पदक जिते । ५६ केजी तौलमा कास्कीका जेनिस गुरुङ र बागलुङका राजेश श्री मगरले फाइनलमा भिडन्त गर्नेछन ।
६० केजी तौलमा कास्कीका दिनेश बानिया र नवलपरासीका छविराज बोहोराले फाइनलमा स्थान बनाएका छन् भने ६४ केजीमा कास्कीका अमृत गुरुङ कास्कीकै दीपक तिवारीसँग भिड्ने छन् ।

यसअघि प्रतियोगिताको उद्घाटन गर्दै गण्डकी प्रदेशका सामाजिक विकास मन्त्री नरदेवी पुनले प्रदेशलाई खेलकुद हबको रुपमा विकास गर्ने बताएकी छन् ।

पश्चिमाञ्चल क्षेत्रीय खेलकुद विकास समितिको आयोजनामा पोखरामा सुरु भएको क्षेत्रीय स्तरीय महिला–पुरुष बक्सिङ र टेबुल टेनिस प्रतियोगिताको उद्घाटन गर्दै सरकारको लक्ष्य नै प्रदेशलाई खेलकुद हबको रुपमा विकास गर्ने बताएकी हुन् ।

क्षेत्रीय खेलकुद विकास समिति प्रशिक्षण विभाग प्रमुख तथा वरिष्ठ बक्सिङ प्रशिक्षक विद्या मर्सानीलाई बक्सिङ गलभ्स् दिएर प्रतियोगिताको उद्घाटन गर्दै मन्त्री पुनले भनिन, ‘प्रदेश सरकारले प्रदेशमा एक बहुउद्देश्यीय कभर्डहल, खेलकुद एकेडेमी, क्रिकेट स्टेडियम र गल्फ खेल गरी चार वटालाई प्राथमिकतामा राखेर ठोस र योजनाबद्ध तरिकाले काम बढाइरहेको छौं ।’

आर्थिक अभावका कारण प्रतियोगिताहरुमा अन्य प्रदेशको तुलनामा गण्डकीको नतिजा खस्किएकोमा चिन्ता व्यक्त गर्दै मन्त्री पुनले भनिन,‘अब त्यसो हुन नदिन योजनावद्ध तरिकाले परिणाममुखी नतिजा ल्याउन व्यवस्थापन पक्षलाई चुस्त पार्ने छौं ।’

उद्घाटन कार्यक्रममा पश्चिमाञ्चल क्षेत्रीय खेलकुद विकास समितिका कावा अध्यक्ष सम्पन्न श्रेष्ठले खेलकुदमा अनुशासन महत्वपूर्ण रहेको हुनाले अनुशासनलाई प्राथमिकतामा राखेर खेलाडीलाई प्रतियोगितामा प्रतिस्पर्धा गर्न आग्रह गरे ।

क्षेत्रीय खेलकुदविकास समितिका कार्यालय प्रमुख लक्ष्मणप्रसाद योगी, क्षेत्रीय खेलकुदका डम्मरबहादुर नेपाली लगायतले बोलेका थिए । असार २८ गते सम्म हुने प्रतियोगितामा ८ जिल्लाका महिला–पुरुष विभिन्न तौल समूहमा बक्सिङमा प्रतिष्पर्धा गर्नेछन भने टेबलटेनिसतर्फ १६ जिल्लाका महिला–पुरुष खेलाडी सिंगल्स, डबल्स, र मिक्स डबल्समा प्रतिस्पर्धा गर्दैछन् ।


प्रतिकृया दिनुहोस्

नयाँ अपडेट

  • रामबजार हत्या प्रकरणः रामजी र सुमित्राको फरक फरक बयान

    रामबजारमा जेठ ३० गते भएको हत्या प्रकरणमा पति पत्नीकै बयान बाझिएको छ । पति रामजीले छोराको हत्या गरी आफूलाई समेत चक्कुले हानेर घाइते बनाएको जाहेरवाला सुमित्राले बताएकी छन् । मनिपालमा...

  • ट्रम्प र क्यारेनबीच रकम लेनदेनबारेको कुराकानी ‘रेकर्ड’

    क्यारेन मक्डुगल अमेरिकी राष्ट्रपति डोनल्ड ट्रम्पले प्लेब्वाइ म्यागजिनकी पूर्वमोडेललाई दिने रकमबारे गरेको छलफललाई गोप्य रुपमा रेकर्ड गरिएको अमेरिकी सञ्चारमाध्यमहरूले जनाएका छन्। त्यस्ता रेकर्डहरू यो वर्षको शुरूमा संघीय अनुसन्धान निकाय एफबीआइले...

  • पूर्वी नाकाबाट १७४ नेपाली चेलीको उद्धार

    माइती नेपालले पूर्वी नाका काँकडभिट्टाबाट गत छ महिनामा १७४ जना नेपाली चेलीको उद्धार गरेको छ । मानव बेचबिखनमा संलग्न दलालहरुले झुक्याएर भारततिर लैजान लागेको अवस्थामा ती चेलीलाई सम्झाई–बुझाई नाकाबाट फर्काएर...

  • यसरी चीन र कोरियामा बेचिन्छन् ‘नेपाली दुलही’

    सांकेतिक चित्र पूर्वी नेपालबाट जागिर खोज्न काठमाण्डू आएका बेला उनलाई साथीहरूले ‘पेपर म्यारिज’ अर्थात् देखावटी विवाह गरेर कोरिया गए टन्न कमाइ हुने बताए। जागिर नपाइरहेका बेला उनलाई पनि साथीहरूको सल्लाह...

Ad
Ad
Ad