वाइडबडी प्रकरणमा देउवाबारे सत्यतथ्य जानकारी माग

समाधान संवाददाता २०७५ पुष २९ गते १७:५६

समाधान सम्वाददाता, काठमाण्डाैं

आइतबार प्रतिनिधिसभा बैठकको विशेष समयमा नेकपा सांसद यज्ञराज सुनुवारले वाइड बडी घोटालामा तत्कालीन प्रधानमन्त्री देउवाको नाम पनि जोडिएको भन्दै संसदलाई जानकारी गराउन माग गरेका हुन् ।

उनले वाइडबडी खरिदमा मन्त्री मात्र नभई तत्कालिन प्रधानमन्त्री देउवाको नाम पनि जोडिएको भन्दै संसदलाई जानकारी दिन माग गरे ।

त्यस्तै, वाइड बडी विमान खरिदबारे लेखा समितिले अनुमोदन गरेको प्रतिवेदन लुकाउन खोजिएको भन्दै संघीय समाजवादी फोरमका सांसद प्रदीप यादवले आपत्ति जनाए ।

यादवले खरिद प्रक्रियामा संलग्न केही मन्त्रीलाई जोगाउन समितिका सभापति नै प्रतिवेदन लुकाउन लागि परेको आरोप लगाए । यादव सांसद राजन केसीको संयोजकत्वमा गठित वाइड वडी छानबिन उपसमितिका एक सदस्य समेत हुन् ।

तपाईको प्रतिक्रिया