पारस खड्का र देश दुबैको कीर्तिमानी, नेपालले जित्यो १ दिवसीय सिरिज

समाधान संवाददाता २०७५ माघ १५ गते १२:१८

समाधान संवाददाता

नेपालले घरेलु टोली संयुक्त अरब इमिरेट्स (युएई) लाई ४ विकेटले पराजित गरेको छ । युएईले दिएको २ सय ५५ रनको लक्ष्य नेपालले ४४.४ ओभरमा ६ विकेटको क्षतिमा पूरा गर्‍यो ।

नेपालले कप्तान पारस खड्काको सतकको सहायतामा जीत आफ्नो पोल्टामा पार्न सफल भएको हो । कप्तान खड्काले उत्कृष्ट प्रदर्शन गर्दै शतक बनाए ।

दुबइस्थित आइसिसि क्रिकेट एकेडेमीको मैदानमा टस हारेर ब्याटिङ गरेको युएइले पूरै ५० ओभर खेल्दै ६ विकेट गुमाएर २ सय ५४ रन जोडेको थियो । नेपालका लागि भने ओपनर बिनोद भण्डारीले १७ बलमा ९ रन जोडेर मोहम्मेद नाविदको चौथो ओभरको तेस्रो बलमा आउट भए ।

अर्का ओपनर ज्ञानेन्द्र मल्लले ३५ बलमा ३१ रन बनाए । उनलाई इमरान हैदरले चौधौं विकेटको चौथो बलमा आउट गराए । खेलमा दिपेन्द्रसिंह ऐरीले १५ बलमा ६ रन, सन्दीप जोराले २० बलमा १९ रन, रोहित पौडेलले २५ बलमा १६ रन, सोम्पालले २५ बलमा २६ रन र आरिफ शेखले २४ बलमा २१ रनको योदान दिए ।

यससँगै तीन म्याचको सिरिज २–१ ले आफ्नो पक्षमा पारेको छ । नेपालले दोस्रो सिरिजमै उपाधि जितेर ऐतिहासिक सफलता हात पारेको हो ।

तपाईको प्रतिक्रिया