अर्जुन काफ्ले-समाधान

अर्जुन चौपारी गाउँपालिका १ गाडखानीमा आगलागीबाट एक युवाको मृत्यु भएको छ भने लाखौको क्षति भएको छ ।

यहाँका बल बहादुर थापा मगरको २ तले टिनले छाएको कच्ची घरमा सोमबार बिहान आगलागी हुँदा घरमा सुतिरहेका २८ बर्षिय कृष्ण कामीको मृत्यु भएको हो ।

आगलागी पश्चात जिल्ला प्रहरी कार्यालयबाट पुगेको प्रहरी र स्थानियले खोजतलास गर्ने क्रममा बेलुका सुतेका कामी आगोले जली मृत अवस्थामा फेला परेको सुचना अकिृत प्रहरी नायब उपरिक्षक नबिनकृष्ण भण्डारीले बताउनुभयो ।

आगलागीबाट घर तथा घर भित्र रहेको अन्नपात धान, कोदो, भाडा वर्तन, लत्ता कपडा, ४० वटा प्लाष्टिकका कुर्सी, ४ बोरा सिमेन्ट, काठपात जली अन्दाजी १४ लाख बराबरको क्षति भएको भण्डारीले बताउनुभयो ।

उहाँले आगोलागीको कारण नखुलेको र थप अनुसन्धान कार्य जारी राखेका बताउनुभयो ।