ताप्लेजुङमा ४.६ रिक्टरको भूकम्प

समाधान संवाददाता २०७५ फागुन ३ गते १२:०५

रासस, काठमाडौँ

ताप्लेजुङको कन्चनजङ्घा आसपास केन्द्रबिन्दु भएर हिजाे साँझ ४.६ रिक्टर स्केलको भूकम्प गएको छ । 

साँझ ५ बजेर ११ मिनेटको समयमा कञ्चनजङ्घा र भारतको सिक्किम सिमानामा भूकम्प गएको खानी तथा भूगर्भ विभाग, राष्ट्रिय भूकम्प मापन केन्द्रका प्रमुख लोकविजय अधिकारीले जानकारी दिए । 

उनका अनुसार यो परकम्प नभई भूकम्प हो । गोरखा भूकम्पछि निरन्तर परकम्प गइरहेका छन् । सानातिना भूकम्प पनि आइरहेका छन् । पछिल्लो समय परकम्प पातलिँदै गएको छ । 

यसअघि गत माघ ८ गते काठमाडौँको थापाथली केन्द्रबिन्दु भई ३.३ रिक्टरको परकम्प गएको थियो । विसं २०७२ वैशाख १२ को ७.६ रिक्टर स्केलको गोरखा भूकम्पपछि हालसम्म ५१० परकम्प गएको केन्द्रले जनाएको छ । 

तपाईको प्रतिक्रिया