समाजसेवी सन्तबहादुुर गुरुङको फागुन १८ गते शनिबार निधन भएको छ । २००५ वैशाख ३० गते स्याङ्जा फेदीखोला जन्मेका गुरुङ हाल पोखरा १५ नयाँगाउँ बस्दै आएका थिए ।

अत्यन्त सरल, मिलनसार एवं सहयोगी गुरुङले समाजसेवासँगै मानवसेवामा समर्पित रहँदै आएका थिए । समाजसेवी सन्तबहादुरको आइतबार गुरुङ परंम्परा अनुसार दाहसंस्कार गरिने उनका परिवारिक स्रोतले जनाएको छ । स्याङ्जाको विकासमा ध्यान दिँदै आएका गुरुङ विभिन्न सामाजिक संघ-संस्थामा आवद्ध थिए ।

तमु धिं नेपालमा वरिष्ठ उपाध्यक्ष पदमा समाजसेवा गर्दै आएका गुरुङको पोखरा १५ नयाँगाउँ जनशक्ति टोलस्थित निवासबाट ११ बजे शवयात्रा हुने तमु धिं कास्कीले जनाएको छ । कालिका बहुमुखी क्याम्पसका संस्थापक उपाध्यक्ष रहेका गुरुङको निधनले क्याम्पस परिवारले समवेदना व्यक्त गरेको छ ।