क्यान इन्फोटेकमा रोबोर्ट प्रतिस्पर्धा

समाधान संवाददाता २०७५ फागुन २३ गते ८:४५

समाधान संवाददाता

कम्प्युटर एसोसिएसन महासंघ (क्यान) कास्कीद्वारा आयोजित दसौं संस्करणको क्यान इन्फोटेकमा रोबोर्ट प्रतिस्पर्धा भएको छ । पश्चिमाञ्ल इन्जिनियरिङ कलेजका विद्यार्थीले निर्माण गरेका ट्रयाकर रोबार्टबीच प्रतिस्पर्धा भएको हो ।

प्रतिश्पर्धामा निश्चल दाहाल, आकाश जैशी पौडेल र अजय केसीको समूहले निर्माण गरेको म्याजिक ह्विल नामक रोबर्ट प्रथम भएको छ । सागर थापा र किसोर जिसीले निर्माण गरेको अननोन नामक रोबोर्ट द्वितीय भएको कार्यक्रम संयोजक सुरेश सापकोटाले जानकारी दिए । सोमबार सुरु ‘क्यान इन्फोटेक’को गण्डकी प्रदेशका आन्तरिक मामिला तथा कानुनी व्यवस्थामन्त्री हरिबहादुर चुमानले उद्घाटन गरेका थिए ।

इन्फोटेकमा बृहत सूचना प्रविधि प्रदर्शनी, प्रदेशस्तरको टाइपिङ प्रतियोगिता, आइटी क्विच कन्टेस्ट, कम्प्युटर तथा ल्यापटपको निःशुल्क मर्मत सेवा, ल्यापटप एक्सचेन्ज अफर, आइसिटी क्षेत्रमा स्थानीयस्तरबाट गरिएका उत्पादनको प्रदर्शनी तथा अन्य आइसिटीसँग सम्बन्धित नवीनतम गतिविधि प्रदर्शनी, मोबाइल गेमिङ, वैज्ञानिक आइसिटी उपकरण प्रदर्शनी एवं नवीनतम प्रविधिका मोबाइलको प्रदर्शनी एवं बिक्री वितरण भइरहेको सचिव विकास भुर्तेलले जानकारी दिए । दसौं संस्करणको प्रदेश स्तरीय क्यान इन्फोटेकसँगै सातौं सिटी रेवान महोत्सव तथा फुड फेस्टिभल पनि प्रदर्शनी केन्द्रमा जारी छ ।

तपाईको प्रतिक्रिया