समाधान

पोखरा २८ को आयोजनामा वडा स्तरीय कानुनी सचेतना तथा क्षमता अभिमुखीकरण कार्यक्रम सोमबार भएको छ । कार्यक्रमको उद्घाटन गण्डकी प्रदेशका उपसभामुख सिर्जना शर्माले गरिन् । कार्यक्रम उद्घाटनपछि संघीय लोकतान्त्रिक गणतन्त्र सफल बनाउनु सबैको दायित्व भएको भन्दै संविधान कार्यान्वयनका लागि सुखी नेपाली समृद्ध नेपालको अभियान सफल बनाउन जुट्नुपर्ने धारणा राखिन् ।

नेपाल कम्युनिस्ट पार्टी (नेकपा)का प्रतिनिधि पदम पौडेलले कानुनी सचेतना तथा क्षमता अभिमुखीकरणले महिलालाई कानुनसम्बन्धी चासो र जान्ने बनाउने बताउँदै यस्ता कार्यक्रम टोलटोलमा पुर्‍याउनुपर्ने बताए ।

पोखरा २८ का अध्यक्ष निर्मल दियालीको अध्यक्षतामा भएको कार्यक्रममा अधिवक्ता अर्जुन पौडेलले कानुनी सचेतना तथा क्षमता अभिमुखीकरणसम्बन्धी प्रशिक्षण दिएका थिए । कार्यक्रम मंगलबार सकिनेछ ।