लागूऔषध विरुद्ध सचेतना आवश्यक

समाधान संवाददाता २०७५ चैत १० गते ११:२०

समाधान संवाददाता, पोखरा

सामाजिक संजाल ‘फेसबुक ग्रुप’ हाम्रो पोखराले जनप्रिय बहुमुखी क्याम्पसमा लागूऔषध दुव्र्यसन विरुद्ध सचेतनामूलक कार्यक्रम गरेको छ । समुदाय प्रहरी साझेदारी कार्यक्रम अन्तर्गत पोखरामा क्रियाशील समूहले सामुदायिक प्रहरी सेवा जिल्ला समन्वय समिति कास्कीसँगको सहकार्यमा सचेतना कार्यक्रम भएको हो ।

हाम्रो परिवार नेपाल लागूऔषध उपचार तथा पुनस्र्थापना केन्द्र बैदामको प्राविधिक सहयोगमा भएको सभामा गण्डकी प्रदेश प्रहरी कार्यालय पोखराका प्रवक्ता गोविन्द पुरीले पोखरामा सचेतना आवश्यक भएको बताए । उनले विभिन्न संस्थामा आवद्ध युवा युवतीलाई प्रशिक्षणमार्फत राष्ट्रको टाउको दुखाइको विषयलाई सधैंका लागि अन्त्य गर्नु पर्नेमा जोड दिए ।

४८ जना युवा युवती सहभागी कार्यक्रममा हाम्रो परिवार नेपाल लागुऔषध उपचार तथा पुनस्र्थापना केन्द्र बैदामका परामर्शदाता अमृतकुमार भट्टराईले प्रशिक्षण दिएका थिए । ‘हाम्रो पोखरा ग्रुप’ले पहिलो पाईला नेपाल, मुस्कान गाईज पोखरा, युथ हेल्पिङ ह्यान्स पोखरा, स्टार १८ स्टार्स टिम कास्की, हेल्प फर ह्याप्पीनेससँग सहकार्य गरेर विभिन्न कार्यक्रम गर्दैै आएको छ ।

तपाईको प्रतिक्रिया