समाधान संवाददाता

पोखरा महानगरपालिका १७ बिरौटा बस्ने ११ वर्षीया रिता भनिने करुणा कार्की १३ गते बुधबारदेखि हराएको जिल्ला प्रहरी कार्यालय कास्कीले जनाएको छ ।

साथीहरुसँग खेल्न गएर फर्केपछि घरबाट उनी कता गइन् भन्ने थाहा नभएको बाबु अमरदीप कार्कीले बताए । ‘केही बेर त आउलिन् भनेर पर्खियौं, साँझसम्म नआएपछि खोज्न थाल्यौं,’ उनले भने, ‘तर अझै भेटिइनन् ।’

गहुँगोरो वर्ण, लगभग ३ फिट उचाइ, पातलो शरीर भएकी करुण घरबाट निस्कने बेलामा गुलाबी रङको सुरुवाल र खौरौ र कालो रङ मिसिएको सुइटर लगाएको अवस्थामा थिइन् ।

बुधबार ६ बेजेतिर उनी घरबाट उनी सम्पर्कविहीन भएको अमरले बताए । उनलाई कसैले देखे नजिकैको प्रहरी चौकी वा बुवाको नम्बरको मोबाइलन नम्बरमा ९८०९६३९५३९ र मामा दीपक कटुवालको ९८४३१९५७० नम्बरमा खबर गरिदिन परिवारले आग्रह गरेका छन् ।