समधान संवाददाता, पोखरा

लायन्स क्लब अफ भैरवमा श्रीकृष्ण कतिला अध्यक्षमा चयन भएका छन् । लायन वर्ष २०१९÷२०२०का लागि कतिला सर्वसम्मत अध्यक्ष चुनिएका हुन् ।

क्लब प्रथम उपाध्यक्ष जगन्ननाथ तिमिल्सिना, द्वितीय उपाध्यक्ष आनन्दकिशोर बाटाजु, तृतीय उपाध्यक्ष श्यामकुमार मल्ल, सचिव विक्रम उदास, सहसचिव राजबहादुर कोइराला, कोषाध्यक्ष पुष्करकुमार श्रेष्ठ चयन भएका छन् ।

क्लबको पिआरओ कृष्ण मल्ल, टेल ट्वीस्टर निर्मल बिजुक्छे, टेमर अशोक बाटाजु, निर्देशक सुकदेव गौतम, शरणकाजी श्रेष्ठ, शेरबहादुर गुरुङ, मदन बिजुक्छे चयन भएका छन् । एलसिआइएफ चियरपर्सन विनोदराज सुवेदी, सल्लाहकार सुरेन्द्रमान बिजुक्छे, सम्मर श्रेष्ठ, बुद्धबहादुर उदास, गौतम बिजुक्छे, सञ्जयकुमार श्रेष्ठ, विनोद द्वा रहेका छन् ।

कार्यक्रममा पिएमसिसी दीपक श्रेष्ठले नवनिर्वाचित नेतृत्वलाई बधाई तथा शुभकामना दिँदै समाजसेवामा अब्बल भूमिका निभाउन अनुरोध गरे । कार्यक्रममा गाइड लाइनर कृष्णमोहन श्रेष्ठ, अध्यक्ष हरिभक्त पौडेल लगायतले बोलेका थिए । निर्वाचन समितिका संयोजक विनोद द्वाको अध्यक्षतामा भएको सभामा निर्वाचन समिति सदस्य सुकदेव गौतम र सुरेन्द्र बिजुक्छेले शुभकामना दिएका थिए ।

नयाँ नेतृत्व सम्हालेका श्रीकृष्ण कतिलाले आफ्नो कार्यकालमा रचनात्मक काम गर्ने प्रतिवद्धता जनाएका छन् । उनले क्लब आवद्ध सदस्यको भावना र लायन नीति अनुरुप क्लबलाई अग्रगतिमा लैजाने बताए । लायन्स भैरबले गरेका असल कामको निरन्तरता दिँदै समाजमा हुने र घटने घटनामा आवश्यक सहयोगकालागि अग्रपंतिमा क्लबलाई लैजाने जनाए ।