समाधान सम्वाददाता, काठमाण्डौं

सर्वोच्च अदालतको न्यायाधीशमा नियुक्त पाँच जनाले आज सपथ लिएका छन् ।

न्यायाधीसहरु प्रकाशकुमार ढुङ्गाना, सुष्मालता माथेमा, कुमार रेग्मी, हरिप्रसाद फुयाँल र डाक्टर मनोजकुमार शर्माले राष्ट्रपति भवन शीतलनिवासमा सपथ लिएका हुन् ।

राष्ट्रपति विद्यादेवी भण्डारीको उपस्थिञतिमा प्रधानन्यायाधीश चोलेन्द्रशमशेर जबराले न्यायाधीशहरुलाई शपथ गराएका हुन् । सपथ लगत्तै पाँचै जनाले सर्वोच्चमा पदभार ग्रहण गरेका छन् ।

संघीय संसद्को सुनुवाइ समितिले नाम अनुमोदन गरेपछि शुक्रबार राष्ट्रपति भण्डारीले सर्वोच्चमा पाँच न्यायाधीश नियुक्त गरेकी थिइन् ।