सभामुख कृष्णबहादुर महराले गोरखा दरबारको पुनःनिर्माणमा ढिलाइ नगर्न आग्रह गरेका छन्। शुक्रबार दरबारको अवलोकन गर्दै  सभामुख महराले पुनःनिर्माणको काम सुस्त भएकोले  तीव्रता दिन  आग्रह गरे।

‘दरबारको पुनःनिर्माण अन्यन्तै सुस्त गतिमा भइरहेको देखियो। पुनःनिर्माणमा ढिलाइ हुँदा यहाँ आउने आन्तरिक तथा बाह्य पर्यटकसमेत प्रभावित हुनसक्छन्, त्यसैले यसको पुनःनिर्माणमा तत्काल गर्नु आवश्यक छ,’ उनले भने।

उनले नेपालको इतिहासलाई जीवन्त बनाई राख्ने दरबारको ऐतिहासिक महत्व धेरै रहेको उल्लेख गर्दै पुनःनिर्माण गर्दा दरबारको मौलिक संरचना कति पनि नबिग्रने गरी गर्नुपर्नेमा जोड दिए। महराले गोरखा सङ्ग्रहालयको समेत अवलोकन गरे।