भारतमा माओवादी आक्रमणबाट १६ प्रहरीको मृत्यु

समाधान संवाददाता २०७६ वैशाख १८ गते १६:०४

एजेन्सी, भारत

भारतको महाराष्ट्र प्रान्तस्थित गढचिरौलीमा माओवादी आक्रमणबाट १६ जना सुरक्षाकर्मी मारिएका छन् ।

महाराष्ट्र प्रहरीको सी- ६० कमाण्डो रहेको गाडीलाई निसाना बनाएर नक्सल माओवादीले आक्रमण गरेको भारतीय सञ्चारमाध्यामहरूले जनाएका छन् । माओवादी गुरिल्लाको रणनीतिसँग भिड्न महाराष्ट्र प्रहरीले स्थानीय जनजातिका मानिसहरूसहितको एक विशेष दल बनाएको थियो ।

गढचिरौलीको कुरखेडा तालुका निरै घटना भएको जनाएको छ । गढचिरौली जिल्ला नक्सल माओवादीको प्रभावक्षेत्र मानिन्छ ।  

भारतीय प्रधानमन्त्री नरेन्द्र मोदीले यो माओवादी आक्रमणको निन्दा गरेका छन् ।

‘महाराष्ट्रको गढचिरौलीमा प्रहरी जवानमाथि भएको घिनलाग्दो आक्रमणको कडा निन्दा गर्दछु । यो आक्रमणका दोषीहरूलाई यत्तिकै छोडिने छैन,’ मोदीले ट्विट गर्दै भनेका छन्, ‘सबै बहादुर जवानलाई मेरो सलाम छ । उनीहरूको बलिदान बिर्सिने छैन । पीडित परिवारलाई समवेदना व्यक्त गर्दछु । ‘

तपाईको प्रतिक्रिया