समाधान संवाददाता
पोखरा

अवतरण (ल्यान्ड) गर्ने क्रममा पोखरा विमानस्थलको ‘रन वे’मा चिप्लिएर जाइराेकाेप्टर दुर्घटनामा परेको छ ।

मंगलबार दिउँसो १ः४५ बजे यात्रु सहित उडेको हेलि एयर नेपालको (नाइन एन अल्फा माइक किलो) जाइराेकाेप्टर २ बजे अवतरण गर्ने क्रममा ‘रन वे’ चिप्लिदा दुर्घटनामा परेको हो ।

जाइराेकाेप्टरमा सवार चालक फ्रान्सेली नागरिक एरिक र नेपाली यात्रु अनिस भट्टचन भने सकुशल रहेको पोखरा विमानस्थलका सूचना अधिकृत काशीनाथ पौडेलले जानकारी दिए ।

‘रन वे’को उत्तरदेखि दक्षिण तर्फ अवतरण गर्ने क्रममा दुर्घटनामा परेको थियो । जाइराेकाेप्टरकाे एउटा पखेंटा र अगाडिको सिसामा क्षति पुगेको पौडेलले बताए ।