अधिकारी वंशावली विमोचन

समाधान संवाददाता २०७६ वैशाख २६ गते १२:५६

समाधान संवाददाता, पर्वत

वागलुङ जिल्लाका कश्यप गोत्रीय अधिकारीको वंशावली पुस्तकको विमोचन गरिएको छ । कश्यप गोत्रीय अधिकारी बन्धु प्रतिष्ठान बागलुङले प्रकाशन गरेको पुस्तक प्रतिष्ठानका केन्द्रीय सदस्य गोविन्द अधिकारीले विमोचन गरेका हुन् ।

पुस्तक विमोचनपछि उनले वंशावली पुस्तक कश्यप गोत्रीय अधिकारीको इतिहास कोरिएको बताए । देशभर छरिएका अधिकारीलाई वंशावली खोजी गरी एकताबद्ध हुनसमेत उनले आग्रह गरे । झापाबाट सुरु भएको अधिकारीको इतिहासको खोजी कार्य अहिले केन्द्रीय पुस्तक प्रकाशन गर्ने तयारीमा पुगेको उनले जानकारी दिए ।

यसैबीच प्रतिष्ठानका केन्द्रीय सदस्य गोविन्द अधिकारी, ज्येष्ठ सदस्यहरु भद्रकली अधिकारी र कृष्णकुमारी अधिकारी, एकल महिला पम्फाकुमारी अधिकारी, स्थानीय छमबहादुर अधिकारी, टोपबहादुर अधिकारी, गुञ्जबहादुर अधिकारी लगायतलाई सम्मान गरिएको थियो ।

तपाईको प्रतिक्रिया