आज उपाधि भीडन्तमा चेन्नाई भर्सेज मुम्बई

समाधान संवाददाता २०७६ वैशाख २९ गते ९:०१

एजेन्सी

आईपीएल क्रिकेटको उपाधि भिडन्त आज हुदैंछ । फाइनलमा चेन्नाई सुपर किंग्स र मुम्बई इण्डियन्स भिड्दैछन् ।

फाइनल खेल आज राति पौने ८ बजे हैदराबादमा शुरुहुने छ । यी दुवै टिम आईपीएल क्रिकेटका सवैभन्दा सफल टिम मानिने भएकाले आजको उपाधि भिडन्त रोमाञ्चक बन्ने अपेक्षा गरिएको हो ।

यी दुई टिम अहिलेसम्म तीन पटक उपाधि भिडन्त गर्दा दुई पटक मुम्बई इण्डियन्सले जितेको छ भने एक पटक मात्रै चेन्नाईले उपाधी हात पारेको हो । चेनाईले सर्वाधिक ८ पटक फाइनल खेल्दैछ भने मुम्बईले यस संस्करण सहित पाँचौ पटक फाइनल खेल्न लागेको हो ।

विगतको आंकडा हेर्दा चेन्नाईको पक्षमा बलियो देखिए पनि जारी सिजनमा भने मुम्बईले नै चेन्नाईलाई पछि पारेको छ । यस सिजनमा तीन पटक भिड्दा तिनै पटक नै मुम्बईले बाजी मारेको थियो ।

चेन्नाईले २०१० र २०११ मा लगातार दुई पटक उपाधि जितेको थियो भने त्यसपछि उपाधि जित्न २०१८ कुर्नु परेको थियो । उता मुम्बईले पहिलो उपाधिको स्वाद भने २०१३ मा चाखेको थियो भने १५ र १७ मा गरि तेस्रो पटक उपाधि जितेको थियो ।

तपाईको प्रतिक्रिया