चोरी भएका शालिग्रामको रथयात्रा

समाधान संवाददाता २०७६ वैशाख ३१ गते १२:५८

रामकृष्ण लामिछाने
पर्वत

मोदीवेनी स्थीत नृसिंह मन्दिरबाट चोरी भएका शालिग्राम शिला क्षमापूजा गरी फेरि मन्दिरमा प्राणप्रतिष्ठा गरिने भएको छ । मन्दिरबाट चोरी भएका शिला भेटिएपछि मन्दिर भित्र्याउन लागिएको नृसिंह मन्दिर संरक्षण समितिले जनाएको छ ।

आगामी जेठ ३ गते नृसिंह भगवानको जन्मदिनको अवसरमा क्षमापूजा र अखण्डकीर्तन गरी शिला मन्दिर भिर्‍याउन थालिएको हो । सोमबार सदरमुकाम कुश्मा बजारमा शिलाहरुको रथयात्रा र शोभायात्रा गरी मोदीबेनीमा पुर्‍याइने नृसिँह मन्दिर मोदीबेनी अध्यक्ष केशवदास बैरागीले बताए ।

फागुन ४ गते चोरी भएका ४७ वटा शिला २० दिनपछि भेटिएका थिए । शालिग्रामलाई हिन्दु धर्ममा साक्षत विष्णुको रुपका रुपमा पूजा गरिन्छ ।

मोदीबेनीबाट हराएका शालिग्राम शिला भगवानको शक्तिकै कारण फेला परेको जगतगुरु बालसन्त मोहन शरण देवाचार्यले दाबी गरे । यो मन्दिरमा २ सय वर्ष पुराना र दुर्लभ शालिग्राम शिला छन् ।

तपाईको प्रतिक्रिया