त्रिशुली बस दुर्घटना अपडेटः मृत्यु हुनेकाे संख्या ७ पुग्याे

समाधान संवाददाता २०७६ जेठ ५ गते १४:१३

समाधान संवाददाता

काँकडभिट्टाबाट काठमाडौं आउँदै गरेको रात्री बस आज बिहान पृथ्वी राजमार्गबाट त्रिशुली नदीमा खस्दा मृत्यु हुनेको संख्या सात जना पुगेको छ ।


काकडभिट्टाबाट काठमाण्डौका लागि छुटेको ना ७ ख ४३८७ नम्बरको रात्री बस गजुरी गाउँपालिकाको बन्छेटारमा घुम्तीबाट त्रिशूली नदीमा खसेकाे हाे ।


 मृत्यु हुनेमा काठमाण्डौंको चन्द्रागिरि नगरपालिकाकी ३५ वर्षकी सीता थपलिया, काठमाण्डौ थानकोटका ५१ वर्षका राजकुमार सुवेदी, कन्याम इलामका २० वर्षका विशाल गिरी र धादिङका राजन आचार्य रहेको प्रहरीले जनाएको छ ।

यस्तै प्रकाश श्रेष्ठ, शेखर मगर र उज्वल पाण्डेको परिचय खुले पनि ठेगाना खुल्न नसकेको प्रहरीले बताएको छ । घाइते मध्ये १७ जनाको काठमाण्डौको ट्रमा सेन्टर तथा अन्यको धादिङको गुजरी र जिल्ला अस्पतालमा उपचार भैरहेको प्रहरीले जनाएको छ ।

बस सडकबाट करिब ५० मिटर तल त्रिशुली नदीमा खसेर दुर्घटना भएको हो । दुर्घटनाको कारण खुलेको छैन ।
 


तपाईको प्रतिक्रिया