गण्डकी प्रदेशलाई खुशीको खबर, कोरला नाकामा भन्सार कार्यालय खुल्ने

समाधान संवाददाता २०७६ जेठ १५ गते १७:२७

समाधान सम्वाददाता, पोखरा ।

गण्डकी प्रदेशको उत्तरी नाका मुस्ताङ जिल्लामा भन्सार कार्यालय स्थापना हुने भएको छ । अर्थमन्त्री युवराज खतिवडाले संसदमा आगामी आर्थिक बर्षका लागि बजेट प्रस्तुत गर्दै गर्दा मुस्ताङ जिल्लामा भन्सार कार्यालय खोल्नका लागि बजेट बिनियोजन गरेको बताएका छन् ।

नेपाल र चिनको सिमानामा पर्ने कोरला नाकाबाट अन्तराष्ट्रिय ब्यापार बिस्तार गर्ने गण्डकी प्रदेश सरकारको पनि सोच छ । मुस्ताङको लोमान्थाङमा पर्ने कोरला नाकामा चिनले धमाधम भौतिक निर्माण गरिरहेको छ । चिनको तर्फबाट बनाइएको भन्सार कार्यालय लगभग सकिएको छ । तर नेपाली पक्षबाट निर्माण गरिएको छैन ।

नेपालले कोरलानाकासम्म सडक भने दु्रत गतिमा निर्माण गरिरहेको छ । सो सडक सकिए लगत्तै दुई देशबीचको ब्यापार शुरुवात गर्नका लागि भन्सार कार्यालयको अति आवश्यकता थियो । सो आवश्यकतालाई सम्बोधन गर्दै सरकारले यो बर्षका लागि बजेट बिनियोजन गरेको छ ।

तपाईको प्रतिक्रिया