समाधान संम्वाददाता
मुस्ताङ

दुर्गम हिमाली जिल्ला मुस्ताङको घरपझोङ गाँउपालिकाले यहाका प्राथमिक तहमा पढाउने शिक्षक शिक्षिकालाई तालिम अवसर जुराएको छ । गाँउपालिका भित्रका १० वटा सामूदायिक तथा निजी विद्यालयका २१ शिक्षक–शिक्षिकाले अग्रेंजी भाषा पढाउने तालिम लिएको नेल्टा मुस्ताङका संयोजक कर्ण थकालीले जानकारी दिए ।

घरपझोङ गाँउपालिका मुस्ताङको आयोजना तथा शिक्षा विकास तथा समन्वय ईकाईको समन्वय र नेल्टा गण्डकी प्रदेशको प्राविधिक सहयोगमा संञ्चालित ३ दिने अंग्रजी भाषाको तालिममा प्राथमिक तहका शिक्षकहरुको पेशागत दक्षता अभिबृद्धि गर्ने उद्देश्यले तालिम दिएको गाँउपालिकाका अध्यक्ष आश बहादुर थकालीले जानकारी दिए । उनले विश्वब्यापी भाषा शिकाईले शिक्षकहरुको क्षमता विकासमा योगदान दिने बताए ।

तालिममा भाषा संञ्चार र पढाई, लेखाई र बोलाई शीपको विकास गरी ४ विधामा केन्द्रित रहेर तालिम संञ्चालन भएको नेल्टा गण्डकी प्रदेश अध्यक्ष एवं प्रशिक्षक डा. नवराज न्यौपानेले जानकारी दिए ।

३ दिने अंग्रजी भाषा तालिमको नेल्टाका नवराज न्यौपाने र नेल्टा गण्डकी प्रदेश संयोजक कमलराज लम्सालले शहजीकरण गरेका थिए ।

कार्यक्रमको समापनमा गाउपालिका अध्यक्ष आशबहादुर थकाली,शिक्षा विकास तथा समन्वय ईकाई प्रमुख टंकराज बराल, नेल्टा गण्डकीका अध्यक्ष नवराज न्यौपाने र शिक्षक प्रशिक्षार्थी द्धय सिङ्गे डोल्पा गुरुङ र जगतमोहन अधिकारीले बोलेका थिए । कार्यक्रम संञ्चालन गाउपालिकाका कर्मचारी राजेन्द्र आचार्यले गरेका थिए ।

गाँउपालिकाले प्रदान गरेको तालिममा कक्षा १ देखि ५ सम्मको आधारभुत तहका नेपाली भाषामा पढाउने शिक्षक–शिक्षिकालाई पनि तालिममा सहभागी गराईएको थियो ।