बाढीले पूर्व पश्चिम राजमार्ग अवरुद्ध

समाधान संवाददाता २०७६ असार २७ गते १३:०९

समाधान संवाददाता, राैतहट

३ दिनदेखिकाे लगातार वर्षापछि पूर्व–पश्चिम राजमार्ग अवरुद्ध भएको छ ।

चन्द्रपुर बागमति खण्डको लच्कामा आएकाे बाढीले रातिदेखि नै राजमार्ग अवरुद्ध भएको छ । राजमार्ग अवरुद्ध भएलगतै सवारी साधनकाे आवतजावतमा समेत समस्या भएको इलाका प्रहरी कार्यालय चन्द्रनिगाहपुरका डिएसपी कवित कटवालले जानकारी दिए ।

जिल्लाका एक दर्जन बस्तिमा घरभित्र पानी पसेको छ । बन्जरहा, औरैया, बेलबिछवा, बडहर्वा, गौर, गढौ लगायतका बस्तीहरु डुवानको जोखिममा छन् । बागमती र लाल बकैया, चादी, लमाहा, झांझ नदीमा पानीको बहाव उच्च हुँदै गएको छ ।

राजमार्गको लच्कामा पानीको वहाव घटेको छैन । केही सवारी साधन बाढीमा पसेका थिए । प्रहरीले ती गाडी निकालेको छ । तीन दिनदेखिको वर्षाले रौतहट जिल्लाको जनजीवन प्रभावित हुँदै आएको छ ।

नदीले बाँध कटान गरिरहेकाे हुदाँ स्थानिय प्रशासनले नदी छेउका बासिन्दालाई बस्तिमा नदी पस्न सक्न संभावना भएकाले सुरक्षित स्थानमा जान आग्रह गरेको छ । सवारी साधन डुब्ने स्थिति भएमा समयमा सुरक्षित स्थानमा लैजान, महत्वपूर्ण कागजात, पैसा पानीले नभिज्ने गरी राख्न, जीर्ण कच्ची घरमा नबस्न प्रशासनले आग्रह गरेको छ। उद्धारको आवश्यक्ता परेमा तत्कल प्रहरीको १०० नम्वरमा खबर खर्न आग्रह गरिएको छ।

तपाईको प्रतिक्रिया