‘ब्रेन ट्यूमर’ पीडितलाई आर्थिक सहयोग

समाधान संवाददाता २०७६ साउन १७ गते १३:०४

रामकृष्ण लामिछाने
पर्वत

फलेवास नगरपालिका ७ लिमिठनाका ब्रेन ट्यूमर पीडित जगदीश शर्मालाई पर्वत समाज कतारले उपचारमा सहयोग पुर्‍याउन आर्थिक सहयोग गरको छ ।

३७ बर्षिय ब्रेन ट्यूमर पीडित जगदीश शर्माका दाजु रमाकान्त पौडेललाई समाजका आर्थिक संयोजक लेखनाथ रिमाल,पूर्वउपाध्यक्ष धन सुनवार‘खाती’ ले कुस्मा नगरपालिका प्रमुख रामचन्द्र जोशीको रोहोवरमा प्रदान गरेका हुन् । समाजले ३६ हजार १ सय ७० रुपयाँ सहयोग प्रदान गरिएको हो ।

आर्थिक अवस्थाले कमजोर जग्दीश रकम नभएकै कारण थला पर्दै गएपछि उनको उपचार सहयोगका लागि कतारमा रोजगारको शिलशिलामा रहेका पवर्तेलीले रकम जुटाएका हुन् । समाजले समय समयमा यस्तै पिडितहरुको उपचारमा आर्थिक सहयोग गर्दै आइरहेको छ ।

रमक हस्तान्तरण पछि बोल्दै मेयर रामचन्द्र जोशीले तपाईहरुको सानो सहयोगले कसैको ज्यान बाँच्छ भने कृपया सकेजति सहयोग गर्न भनेर अनुरोध गरेका थिए । उनले पर्वत समाज कतार सगं समन्वय गर्दै कुस्मा नगरपालिका यस्तै सामाजिक कार्यमा लाग्न चाहाएको बताए । साथै,उनले विश्वका जुन सुकै कुनामा रहेर पनि एक नेपालीले अर्को नेपाली दुःखमा रहँदा सहयागे गर्ने संस्कारको बिकास भएको भन्दै प्रसंसा गरेका छन् ।

ब्रेन ट्यूमर पीडित जगदीश शर्मा काठमाडौंको अन्नपूर्ण न्यूरो अस्पतालमा अप्रेशन पश्चात केहिदिन पहिला घरमा आराम गरिरहेका छन् । उनी हरेक महिना फ्लोअफमा अस्पतालमा जानुपर्ने बाध्यता छ । उनका २ छोरी र १ छोरा छन् ।

तपाईको प्रतिक्रिया