कर्मचारीलाई मंसिरसम्म काम सक्न मन्त्रीको निर्देशन

समाधान संवाददाता २०७६ साउन २४ गते १४:०८

सम्मान ग्रहण गर्दै तनहुँ वन डिभिजनका अधिकृत केदार बराल (बायाँ)। तस्बिरः समाधान

Advertisement

समाधान संवाददाता, पोखरा

गण्डकी प्रदेशका उद्योग, पर्यटन, वन तथा वातावरण मन्त्री विकास लम्सालले कामप्रति बफादार र लगनशील भएर लाग्न कर्मचारीलाई निर्देशन दिएका छन् । वन निर्देशनालयले कास्कीको लुम्लेमा आयोजना गरेको आर्थिक वर्ष २०७५÷०७६ को वार्षिक प्रगति समीक्षा कार्यक्रममा मन्त्री लम्सालले देशप्रति समर्पित हँुदै लगनशील र कर्मनिष्ठ भएर लाग्न कर्मचारीलाई निर्देशन दिएका हुन् ।

Advertisement

उनले आर्थिक वर्ष २०७५÷०७६ मा मन्त्रालयले बनाएको योजना सफलतापूर्वक कार्यान्वयन भएको चर्चा गर्दै ढिला गरी प्रदेश स्तरका कार्यालय स्थापना तथा कर्मचारी समायोजना लगायतका समस्या हुँदा हुँदै पनि मन्त्रालयले उत्कृष्ट कार्यसम्पादन गरेको दाबी गरे । बजेट कार्यान्वयन गर्ने जिम्मा कर्मचारीकै रहेकाले आर्थिक वर्षको अन्त्यमा मात्र काम थालनी गर्ने परिपाटी अन्त्य गर्दै मंसिर सम्ममा सबै प्रक्रिया पूरा गरेर काम गर्न उनले निर्देशन दिए ।

मन्त्री लम्सालले उत्कृष्ट कार्य सम्पादन गर्ने कर्मचारीलाई मन्त्रालयले उचित पुरस्कार तथा सम्मान गर्ने घोषणा पनि गरे । वर्षभरिमा उत्कृष्ट कार्यसम्पादन गरेको भन्दै तनहुँका डिभिजन वन अधिकृत केदार बराललाई सम्मानका साथ पुरस्कृत गरिएको छ ।

तपाईको प्रतिक्रिया