स्यामसुङका नोट १० र १० प्लस पोखरामा

समाधान संवाददाता २०७६ भदौ ९ गते १३:३७

समाधान संवाददाता, पोखरा

मोवाइल निर्माता सामसुङले फेबलेट नोट १० र नोट १० प्लस नेपाली बजारमा ल्याएको छ । आइतबारबाट नोट १० र नोट १० प्लस पोखरामा पनि उपलब्ध छन् ।

नोट १० को मूल्य १ लाख १६ हजार र नोट १० प्लसको मूल्य १ लाख ३५ हजार छ । गण्डकी प्रदेशका लागि सामसुङको आधिकारिक विक्रेता वल्ड वाइड कनेक्सनले मोबाइल बजारमा ल्याएको हो । वल्ड वाइडका म्यानेजिङ डाइरेक्छर सुशीलकुमार गुरुङले पहिला नै बुकिङ गरेका १ सय जनालाई नोट १० र नोट १० प्लस उपलब्ध गराइएको बताए । उनले लन्चको अवसरमा उनीहरुले विभिन्न अफर रहेको पनि पाएको जानकारी दिए ।

नोट १० मा ६.३ इन्चको डिस्प्ले छ भने नोट १० प्लसमा ६.८ इन्चको डिस्प्ले छ । त्रिपल क्यामेर रहेका यी मोबाइलमा एन्ड्रोइड ओएस ९.० सिस्टम चल्छ । यी मोबाइलमा ३ हजार ५ सय र ४ हजार ३ सय एमएएचका ब्याट्री छन् । नोट १० मा ८ जिबी र्‍याम र २ सय ५६ जिबी आरओएम छ भने नोट १० प्लसमा १२ जिबी र्‍याम र २ सय ५६ जिबी आरओएम छ ।

तपाईको प्रतिक्रिया