प्रेस युनियनले बुझायो ज्ञापनपत्र

समाधान संवाददाता २०७६ भदौ १९ गते १५:३६

समाधान संवाददाता, पोखरा

निस्कासित पत्रकारको पुनर्वहाली र पत्रकार ओम हमाललाई रिहा गर्न माग गर्दै नेपाल प्रेस युनियन कास्कीले जिल्ला प्रशासन कार्यालय कास्कीमार्फत् ज्ञापनपत्र बुझाएको छ ।
युनियन कास्कीका अध्यक्ष नवीन सिग्देलले बुधबार प्रमुख जिल्ला अधिकारी रमेशकुमार केसीलाई ज्ञापनपत्र बुझाएका हुन् ।

प्रजिअ केसीले पत्रकारले बुझाएको ज्ञापनपत्रलाई जस्ताको त्यस्तै केन्द्रमा पठाउने प्रतिबद्धता जनाए । युनियनका केन्द्रीय उपाध्यक्ष रमेश पौडेलले सरकार पत्रकारमैत्री नभई तानाशाही प्रवृत्ति देखाएको बताए । युनियन कास्की अध्यक्ष नवीन सिग्देलले नेपालका सबै पत्रकारलाई जेल हालेर देश चलाउन सरकारलाई चेतावनी दिए ।

रेडियो नेपालबाट निष्काशित पत्रकारलाई तत्काल पुनर्वहाली गर्न यसअघि पटक पटक दबाब दिँदै आए पनि व्यवस्थापन पक्षले कुनै सुनुवाइ नगरेकाले केन्द्रीय समितिको निर्देशनमा बुधबार देशभरबाट ज्ञापनपत्र बुझाइएको हो ।

तपाईको प्रतिक्रिया