रुपाले शिक्षा दिवस मनाउँदै
समाधान संवाददाता
२०७६ भदौ २१ गते १९:५८
पोखरा, २१ भदौ
कास्कीको रुपा गाउँपालिकाले आइतबार शिक्षा दिवस मनाउँदैछ । यस अवसरमा गाउँपालिकाले आयोजना गरेका विभिन्न खेल प्रतिस्पर्धामध्ये ९ विधाका फाइनल सकिएका छन् । आइतबार छात्र भलिबल र महिला कबड्डीको फाइनल हुने जानकारी गाउँपालिका अध्यक्ष नवराज ओझाले दिए ।
खेलकुद प्रतियोगितामा ३१ वटा विद्यालय सहभागी छन् । खेलकुद ३ दिनदेखि जारी छ।आइतबार जनप्रतिनिधि र कर्मचारीबीच मैत्रीपूर्ण भलिबल खेल हुनेछ।
शिक्षा तथा निजामती दिवसको अवसर पारेर आइतबार उत्कृष्ट शिक्षक, उत्कृष्ट प्रअ, दीर्घसेवा र उत्कृष्ट विद्यार्थी तथा उत्कृष्ट निजामती कर्मचारी उत्कृष्ट व्यवस्थापन समिति अध्यक्षलाई पुरस्कृत गरिने जानकारी पनि अध्यक्ष ओझाले दिए ।
सम्बन्धित
तपाईको प्रतिक्रिया