काहुँ खानेपानीलाई बुद्व मण्डलाको सहयोग

समाधान संवाददाता २०७६ भदौ २७ गते १२:१४

समाधान संवाददाता, पोखरा

धर्मकाया बुद्ध मण्डला विकास तथा व्यवस्थापन समिति पोखराले काहुँ खानेपानी उपभोक्ता तथा सरसफाइ समूहलाई १० लाख १ हजार १ सय ११ रुपैयाँ हस्तान्तरण गरेको छ । अवतारी गुरु दुप्सिङ रिम्पोछेको उपस्थितिमा काहुँ खानेपानीका अध्यक्ष कुमार क्षेत्री, उपाध्यक्ष देव गुरुङ र वृहत काहुँ खानेपानीका उपाध्यक्ष खेमराज आचार्यलाई सयुक्त रुपमा हस्तान्तरण गरिएको हो ।

काहुँको खानेपानी समस्या समाधानका लागि समितिले गरेको आग्रह वमोजिम बुद्व मण्डला समितिले रकम हस्तान्तरण गरेको मण्डलाका सचिव राजबहादुर गुरुङले जानकारी दिए । रकम हस्तान्तरण कार्यक्रममा समितिका सल्लाहकार अशोक पालिखेले काहुँको खानेपानी समस्यालाई योगदान दिन रकम सही ठाउँमा सदुपयोग हुने अपेक्षा गरेको बताए ।

खानेपानीका अध्यक्ष कुमार क्षेत्रीले बुद्व मण्डला निर्माणका अतिरिक्त गाउँ वासी लाभान्वित हुने विस्वास व्यक्त गरे । धर्मकाया बुद्व मण्डला विकास तथा व्यवस्थापन समिति कार्यवहाक अध्यक्ष भरतराज शाक्यको अध्यक्षतामा सम्पन्न कार्यक्रम सचिव राजबहादुर गुरुङले सञ्चालन गरेका थिए ।

तपाईको प्रतिक्रिया