बिश्वकर्मा कपकाे उपाधि रामघाटलाई

समाधान संवाददाता २०७६ भदौ २९ गते १५:१७

समाधान संवाददाता, पोखरा

विश्वकर्मा सेवा समाज लाहाचोक, कास्कीले आयोजना गरेको प्रथम विश्वकर्मा कप खुला सेभेन ए साइड फुटबल प्रतियोगिताको च्याम्पियन बौद्धशान्ति क्लब रामघाट बनेको छ । पुरानो टुडिंखेलमा शनिबार भएको फाइनल खेलमा गैह्री एफसी कस्करीलाई २–१ गोल अन्तरले पराजित गर्दै रामघाट च्याम्पियन बनेको हो ।

रामघाटको जितका लागि घन तामाङ र बिशन गुरुङले समान १ गोल गरे भने कस्केरीको तर्फबाट राकेश राईले जवाफी १ गोल फर्काएका थिए । च्याम्पियन बनेसँगै रामघाटले शिल्ड, मेडल तथा प्रमाणपत्रसहित नगद १ लाख १ हजार १ सय ११ रुपैया प्राप्त ग¥यो भने उपविजेता बनेको कस्केरीले सिल्ड, मेडल तथा प्रमाणपत्रसहित नगद ५१ हजार १ सय ११ मा चित्त बुझायो ।

प्रतियोगितामा सर्वाेत्कृष्ट खेलाडीका रुपमा रामघाटका त्रिदेब गुरुङ घोषित भए । उत्कृष्ट डिफेन्डरका रुपमा कस्केरीका जोन तामाङ र सोही क्लबकै राकेश राई उत्कृष्ट मिडफिल्डरका रुपमा पुरस्कृत बने भने रामघाटका बिशन गुरुङले प्रतियोगिता अवधिभर ५ गोल गर्दै सर्बाधिक गोलकर्ताको उपाधि र सोही क्लबकै हिमाल गुरुङ उत्कृष्ट गोलरक्षकको हकदार बने ।

२१ गतेदेखि सञ्चालनमा रहेको प्रतियोगितामा सहभागी ४३ टिमबाट विजेता र उपविजेता बन्न सफल टिमलाई सिजी ब्रुअरी प्रालि गण्डकी प्रदेश म्यानेजर सुबोध रिसाल, आयोजक संस्थाका अध्यक्ष जीवन बिश्वकर्मा लगायतले पुरस्कार वितरण गरेका थिए ।

तपाईको प्रतिक्रिया